تركت الحب كان الله هداني

السلام عليكم ورحمة الله وبركاته


حبيت انقل لكم قصيده لشاعر ,,,,,,الملقب باسم سداح

وهذي القصيده من ادائي

اتمنا ان تحوز على اعجابكم


للأستماع

(((يدور الليل والصبح يتنفس)))

http://www.tarb.net/index.php?action=songs&id=4415


على الله وش نحبّ ووش نداني

نعـدّ أيامنـا والعمـر فـانـي

تعبنـا نتبـع الدنيـا وشبـنـا

نشيل ظنون وأحـلام وأمانـي

يدور الليـل والصبـح يتنفـس

تحت حكم المعيـن المستعانـي

وأنـا قلبـي يـدق وكـل دقـه

أركّبها علـى منطـق لسانـي

أغنّي والغنـا وهبـه مـن الله

ماجتني من فلان ومـن فلانـي

ولا أدري موهبـه وإلاّ وراثـه

لكنّه قسم مـن ربـي وجانـي

بسيط ودايـم أفكـاري بسيطـه

في بدع البيت وتركيب المعانـي

أروح ابها على شـداد المطيـه

وأعود ابها على سرج الحصاني

رصاصي مـن حـزام البندقيّـه

رميته وأصبح حزام الامانـي !

لو أن المدح من كـل النواحـي

غمرني وأحتويتـه وأحتوانـي

وسط في مستواي ولي مقاسـي

أقدّمها علـى مـا الله عطانـي

أطقّ البـاب وأدخـل ماعليّـه

لو أن البـاب للطاقـه حدانـي

وأشيل الكحل لعيـون القصيـده

ولي غايه في تكحيـل الغوانـي

ليا كحلّتهـا فـي ربـع ساعـه

نتفت رموشها فاربع ثوانـي !

وكم غيري من عقولٍ بصيـره

تـرز أعـلام وتعمّـر مبانـي

لقيت الخير في كنـز القناعـه

وقنعت ولا جذبني كنـز ثانـي

أنـا ويّـا العلاقـات الحميمـه

في حرب ٍ طاحنه سر وعيانـي

أضوّي لـي مصيبـه للحبيبـه

وأقـول الله بلاهـا وابتـلانـي

ألا يا روح روحي لو جروحـي

تسولف لك عرفتي وش طواني

أغيب ولا نقص قـدر المحبّـه

ولا هنتي وحبـك مـا يهانـي

مزاجي وأنطوائـي وأنتهـازي

وقلبي قلـب مغـرور وأنانـي

وذا وصفي بعينك وأنتي اللي

( خذاني الشوق لعيونك خذاني )

وطيفك كل مـا يضـوي عليّـه

يجاذب روحي وينفـض كيانـي

يسيّر بـي علـى وده وشفّـه

تبعته من مكـان إليـا مكانـي

في عيني يا بعد كـل الصبايـا

أشوفك باشة الغيـد الحسانـي

لكـن الله يحلـلـك ويبيـحـك

مـع ودي وشكـري وأمتنانـي

سلمتي وأختصار آخر علومـي

تركت الحب كـان الله هدانـي!