ياسامعين الشعر

ياسامعين الشعر سويت الابيات
ابيات ماتخفى على من قراها

اصوغها وروم روس الطويلات
وبحر بها يالين تاصل مداها

واضرب بهاعمق البحروالمحيطات
وانصح بها ماني مدور وراها

والوقت يجري والليالي سريعات
وايامنا تمشي معه في سراها

ياجاهل الدنيا تراها متاهات
ماتنضمن لو ذقت منها حلاها

تزين فتره ثم تخدعك بسكات
وياشينها لامن دارت رحاها

تخدعك باالضحكه وبالابتسامات
دنيا تخفي ماعرفنا خفاها

احسب حسابك في جميع المجالات
وركز وفكر في الحياه وعناها

وافتح كتاب الله وصل الصلوات
الدين هو طعم الحياه وشذاها

وابليس لايغويك باالانقلابات
والنفس حذرا لاتطاوع هواها

وصوم رمضان وحج ورم الجمارات
والوالدين احرص ودور رضاها

ورافق رجال الطيب في كل الاوقات
الي نهار الضيق يذري ذراها

الي يحلون الامور الصعيبات
الي ماتلقا في اللوازم سواها

واحشم رفيقك لو يجي منه زلات
والكلمه العوجا لاتسمع صداها

وخلك عزيز النفس مره ومرات
من عز نفسه يرتفع مستواها

وان جالك المحتاج ناصيك بالذات
افزع وعندالله تلقا جزاها

ساير زمانك واعرف الاتجاهات
واصبر على جور الليال وغثاها

والشكر للمعبود رب السموات
يقولها شاعر بيوته نقاها

عايض ابن نور العزيزي

صح لسانك يابونور

صح لسانك يابونور واعتلا شانك