إذا المراجل لبسة شماغ وعقال

مماراق لي



حبيت تشاركوني فية ولا اعلم قايلها وهي قديمة لكن لايمنع ننقلها


اتركم مع القصيدة




إذا المراجل لبسة شماغ وعقال .......... قل للعذارى يلبسنّ العمايم
ما عاد يفرق زول حرمه ورجال .. دام الفعايل تشبه البعض دايـــم
المرجله ما هيب كلمه وتنقــــال .. وتروح ما راحت هبوب النسايم
وإلا خشونة صوت أو رفع الأثقال .. أو رزة صدور وفعل الزلايـــــم
ولا هي بعد مفـــتاح موتر وجوال .. وإلا ردى لسانن حديثه شـــتايم
المرجله شيمه عن القيل والقال .. رفيع نفس (ن ) حر بالجو حايــم
المرجله عـــقلٍ وزن وزنه جبال .. ودون العقل وش فرقنا والبهايـم
يا مسندي لو مايل الوقت بي مال .. يا ولد أبوي يا عظيم العزايــــــم
يا معرب الجدين من العم والخال .. يا نخوة المفزوع وقت الهزايـــم
المرجله يا خوي هي طولة البال .. هي العزم هي الصبر فالظلايـــــم
فيها الكرم عزه دله وفنــــــــجال .. فيها الكرامه عن ردى الطبع شايم
والدين لامنه خذا القلب منــــزال .. مشى طريق الحق وابليس نايـــــم
ومن لا عرف ربه في طيب الحال ..لابد وقت الضيق بالهم هايــــــــــم
حتى صلاتك مع جماعات ورجال .. في خيرها يا خوي نعم الغنايــــــم
ولامن نصف ليلك قم صفي البال .. يا عظم أجرك بين ساجد وقايــــــم
ولا من رفع ربي له كل الأعمال .. حسن الذكر لا قالو فلان صايــــــم
وخلك شريف القصد يا طيب الفال .. سوء المقاصد فالبيوت الهدايــــم
واحذر تبيع النفس في درب الأنذال .. وتتبع خوي إبليس راع النمايــم
النفس خيل لك إذا كنت خيـــــــــّال .. ومن لا قوى نفسه قوته الهزايم
ولا صرت ما تدري لو أنت رجال .. والله خسارة فيك ذبح التمايـــــــم



ودمتم بود

راق لنا ماراق لك
وصح لسان شاعرها

هلا ابو فالح اسعدني مرورك

ننتظر ابدعات قلمك

قصيده رائعه وجميله


راقت لنا اخي تركي

الله يعطيك العافيه

إذا المراجل لبسة شماغ وعقال .......... قل للعذارى يلبسنّ العمايم
ما عاد يفرق زول حرمه ورجال .. دام الفعايل تشبه البعض دايـــم



ولو انها مكرره القصيده لكن تسلم

هلا بالجميع



هلا با اختي فجر اي مشاركة لي مكررة الغيها




اسعدني مروركم

الله يعطيك العافية

اخي
تركي سعود

على القصيدة الرائعه

تقبل مرووووووري
ســـــحـــاب

تسلم يمناك اخوي تركي بيض الله وجهك موضوع يستاهل بوسة راس
تقبل مروري / جندي بلا وطن

يسلم يمينك ع هالنقل
وصح اللساان شااعرهاا
بنت االصمااان,,,

هلا بالجميع اسعدني مروركم

لاتحرمونا جديدكم