والكلمه اللي حدها بين قوسين*** على صدد توضيح فحوا الرساله

سلااام

قصيده اعجبتني ردة فعل شاعر لقصيدة مستشعر لم يوفي بوزنها



سلمان خل الفعل وسط الدواوين &&& البيت آيـــل يالقــــــوي للأزاله
أندبك ياهجسي ومن حين لاحين &&& لو الشعر غنت لحـــــونه حثاله
عوير لاكبرت على وخيّــه يعين &&& وصوير يفضح كل ماجاء مجاله
ماهو بند" لي ولو حيمر العيـن &&& ذب الخريمه والدعاوي سهــــاله
أبو عضود" ناحله يبخصه زين &&& هان النشيـــط وقـــال كل مابداله
الله وأكبر كننا العـــــام ناســين &&& أما عشان النـــــاس والا زمــاله
هيكل ولد..والفكر فكر البزارين &&& تقصر عن عدود المراجل حباله
ربعه تعرفه والرجال المسمين &&& أنا اشهد ان الهلف للربــع عاله
ياكذبة أبريـــل الختم جايه منين &&& مدري أمارة سيف والا بوكاله
مأذم ربعه بس.. مأحشم الشين &&& هلف" جنوبه فالملاقى شماله
ولالي نظر في مجابهة كل مسكين&&& حاول بعد شاور وخاب أحتماله
والهرجه اللي ماتقسم على أثنين &&& راع الذمم لامن فتش وش مضاله
يذكرك ياهادي ويشكي من البيــن &&& يامزاور العمـــه وقام بجماله
والا بلاش ابيّن الهــــــرج ويبين &&& الناس توحي والهوى سمّ حاله
عمر الذمم ماوقفت قدم بابيـــــن &&& يالابس" ثوب الوفى والعداله
ذمتك تشبه ذمة اسحاق رابين &&& أما تجيك بحق هذي استحاله
ترى العرب يامغمض العين صاحين&&& وأليا نشدت أعلمك بالأطاله
أنا حفيـد مرجحيــن المـــوازين &&& أعيــل لاجت للجهــل والعياله
الحمــره عشوة مساء للشياهين &&& يامن يبي علم" صعيب" مناله
والكلمه اللي حدها... بين قوسين &&& على صدد توضيح فحوا الرساله
صحيح بعض الناس يسوى ملايين &&& لكن بعض الناس قدره نعاله


تحيــــاتي

منقووووووول