الرد على قصيدة عمر عمران

ألا يالله الخلاق يالرازق المنان = يا مسقي الديار بوبل مزنك ومحييها
أليك اتكالي وأعتصامي من الشيطان = وببدى وجزلات القصايد بغنيها
طرى ماطرى في خاصري بين حين وحان = علوما ً تضيق النفس وعلوم ترضيها
طرالي الرجالي اللي لهم في زمنا شان = هل الطيب والخوه بعادا ً هقاويها
تمر الليالي ولا عرفنا لها ميزان = لو اضحكة لنفس لابد تبكيها
يبين غلا صاحبك لاغاب عنك ازمان = وتعرف غلا قدره وقيمته تغليها
وانا اليوم ابرسلي رساله وابا عنوان = غياب الصديق اللي منعرف خوافيها
أخذ مدتا ً وأنا أنشد فلان ثم فلان = وهو منه ماجتني مراسيل نوحيها
سلامي سلام بريحة المسك والريحان = سلام بريح الطيب والعود غاشيها
سلامي سلام المسلم بصادق الاحسان = تحية هل الجنه من القلب أبديها
سلامي سلام أسلام ياصلك ياحمدان = ضعوف النشاما عنه تقصر خطاويها
وبعدها نبي نعرف سبب غيبة الاخوان = عساها ضروف تمر والوقت يمحيها
أندري الزمن تقسا ضروفه على العربان = تشتت مابين الناس وأبليس واليها
لكن مثلكم غيبة يا صحبي فقدان = وعسى الله يكافينا الشرور وبلاويها
وختامه يا بن سعدي وصل من عمر عمران = سلاما ً بريح المسك والعود غاشيها

((( عمر بن عمران العزيزي )))

صح لسانك ابو عمران والمعذره على غيابي الفتره السابقه

الرد على القصيدة

على الله توكلنا وبسم الله الرحمن=بدينا بذكره فأولتها وتاليها
سميع عليم بكل خافي رفيع الشان=وسبحانه مميت الخلايق ومحييها
ومن بعد ذكر الله يجي للسوالف شان=رساله لفتني والسعد في مباديها
من الصاحب اللي ماوقف وقفة الحقران=على العز وحقوق الرياجيل يوفيها
هلا مرحبابه عد ماتخضر الاغصان=وعد الديار وعد ماسال واديها
علي يتشره في غيابي وانا شرهان=على ضروفي اللي غصب ماني براضيها
عسى اللي طرا لك خير ياهدهد سليمان=اشوف العرب فالوقت كثرت طواريها
يقول المثل مافيه حجه بلابرهان=ورجلك على درب العنا لاتعنيها
رجال الوفاء تبيني بناها على السيسان=على العز والطاله ماتهدم مبانيها
وانا دون ربعي فاللوازم وسيع بطان= بعيرن يقوم بحملته مايوطيها
ولن كان منهم جاني الجور والنقصان=تحاشيت والزلات لاجات امشيها
ولااسمع كلام الزور فيهم ولاالسفهان=علوم الردى والخبث ماني براعيها
ولو الزمان بوجهنا كشر النيبان=وسود الليالي طولت في لياليها
ومهما حصل من كل هذا ومهما كان=لابد الله بحكمه وعدله يسويها
ولاتحسبوني عنكم اخذني النسيان=اموت وفعول الطيب ماني بناسيها
مثل مابديناها بذكر الله الرحمن= بذكر الله الرحمن نرجع وننهيها

سفير المهد

الله الله

آبدآآآع يـآ حمدآآن

و صح لسـآنك ولسـآن عمر

لآ هنت

صح الله لسان الشاعرين وقصيدتين جميلتين من شعراء كبار فأشكركم على هذا الإبداع وأحييكم على هذه الأخوه وعسى بينكم دوم .

صح لسان الجميع

ومشكورين على هالملاحم الجيده

ولاتحرمونا من روائعكم - والسلم

اخوكم - حامد رضا

الله الله
مبدعين بيض الله وجيكم وصح لسانكم

صح السانك يابو سعدي وبيض الله وجهك

والحمد لله على عودتك لنا بعد الغياب وتنمنا ان نرى منك الابداع

والتميز كما عودتنا على ذلك

وصح الساك مره اخرى ولا هنت

ولاتحسبوني عنكـم اخذنـي النسيـان
اموت وفعول الطيـب مانـي بناسيهـا

كفو وهذا اللي عرفناك به