نضيق بهالزمـن ضيقه ولا نذرف دمووع شهـآق..

الا ياليل قلهـآ لي علام الكون فيني ضاق؟
علامة مارحم دمعي وانا واقف على بابه؟





تـفـيـق حظوظ خلق الله وأنا حظي مـآ بعد فاق
تضيق همومي بصدري ولا ادري شالذي عابه؟




سهرت بليلي المظلم أفسر لهفة المشتاق
طلبت الهم يخاصمني لقيت اني من احبابه




لقيت ان الزمن ظالم مثل موج البحر غراق
رماني في متاهاته وسكّر دوني ابوابه




كفاية يا زمان التيه كفاية لعبة الاشواق
كفاية لية ماترحم شبعنا هموم طلابة




شبعنا من الزمن ضيقه ...وصرنا للفرح عشاق
يذوقنا مرارة دوم علينا يرمي اسبابه




-{ عزيز النفس بالدنيا يعيش بهم ماينطاق
وذليل النفس يارب خطاه الهم ولا صابه }-



ولكن لو يطول الوقت وينثر همه الحرّاق
يجي يوم من الايام وكلن ياخذ حسابه




نضيق بهالزمن ضيقة ولانذرف دموع شهاق
نضيق ونصبر ونكسر زمان طالت انيابه




انا ادري مانهاب الموت ولاحتى نهاب فراق
نهاب الخالق الواحد ونرضى بكل ماجابه




اعيش اصبر على البلوى ولو هالكون فيني ضاق
اعيش الذيب في عمري ولا ارضى فوقي ذيابه



//


//
مما أعجبني
وراق لي
وحبيت
إنكم
تقرونها

راااااق لنا مارق لك اخي عاشق هبا

يعطيك العافيه

أخي عاشق هبا يعطيك العافيه على النقل الرائع

نضيق بهالزمن ضيقة ولانذرف دموع شهاق
نضيق ونصبر ونكسر زمان طالت انيابه

سلم ذوقك
تقبل تحياتي

-{ عزيز النفس بالدنيا يعيش بهم ماينطاق
وذليل النفس يارب خطاه الهم ولا صابه }-

اخي عاشق هباء ميدع في طرحك الرايع لك تحياتي

اخواني الأعزاء

العزيزي المغترب

عامر العزيزي

الجامح

عبدالله الرهيف

اسعدني مروركم واتمنى انها نالت على إعجابكم

عاشق هباء لم تبدع
ولاكن لوكان للابداع حقوق الطبع محفوظه
لنفردة بقولها لك

المشاركة الأصلية كتبت بواسطة الشمام

عاشق هباء لم تبدع
ولاكن لوكان للابداع حقوق الطبع محفوظه
لنفردة بقولها لك

يسلمك ربي يالشمام والإبداع هو طلتك في المنتدى وحياك الله ولاتحرمنا من حضورك

انا ادري مانهاب الموت ولاحتى نهاب فراق
نهاب الخالق الواحد ونرضى بكل ماجابه



تسلم اخوي عاشق هباء علي هذة الذايقة الشعرية

اكاد اجزم اجمل قصيدة قريتها في المنتدى

لاتحرمنا جديدك

المشاركة الأصلية كتبت بواسطة تركي سعود

انا ادري مانهاب الموت ولاحتى نهاب فراق
نهاب الخالق الواحد ونرضى بكل ماجابه



تسلم اخوي عاشق هباء علي هذة الذايقة الشعرية

اكاد اجزم اجمل قصيدة قريتها في المنتدى

لاتحرمنا جديدك

ابو سعود مرورك افرحني واسعدني ودوم لاتحرمنا من طلتك الحلو ياحلو