تبي تأدبها أخذ عليها !!!

تبي تأدبها أخذ عليها


كثير ماسمعنا بهالجمله وكثير من طبقهاااا

وش تعني ؟؟

رجل عايش مع زوجته وطالت بينهم العشره

فيجد فيها خصله أو طبع مايعجبه فيها يحاول يسنعها ولاكو فايده ..الحرمه تزيد وتتمادى يوديها بيت اهلها ...يرجعها يلقاها تسنعت كم يوووم ثم تعود لطبعها (عادت حليمه لعادتها القديمه )

وكل يوم هو ينغث ... مايبي يطلقها لسببين

أنه يحبها .. وأنها أم عياله ...وماتهون عليه العشره

ولكن هو كمان يبي رااحته كرجل ... ليمتى وهو نجره وهواش ؟؟!!

الوكاد قفلت معه ... يروح يتبع هالجمله أخذ فوقها حرمه وتتأدب !!!

رأيكم يا حلوين ..........
1- هل صحيح إن يبي يأدبها ياخذ عليها شريكه ؟
2- هل تتأدب صحيح أم تتمادى ؟
3- هل جائز أن يتزوج الثانيه مو رغبه فقط لتأديب الأولى وماذنب الثانيه؟
4- طيب إن تأدبت وش يسوي ؟؟ سمعت أنه يطلق الثانيه لا تأدبت الأولى ؟؟
5- الي عنده اضافه ولا نفس هالأمر يعلمنا عشان نستفيد ....

بقلم أختكم / رقاوي بأخلاقي
((( ضد المنقول )))