ردوا سلام اهل القلوب المواليف

في دربكم ياراحلين منا مناكيف
تالي ليالي القيظ واول خريفه
ردواسلام اهل القلوب المواليف
على الوليف الي نشد عن وليفه
ردوه لعذوق النخيل المناهيف
وعلى القصور الي بوادي حنيفه
دار لها بالقلب عشق وتكاليف
ياعل عين ماهوتها كفيفه
طبنا وشبنا واتعبتنا المشاريف
والمرقب العالي هبوبه عنيفه
ياواردين العد كفو المغاريف
الي بقى دمع هماج ذريفة
والله لودمي يغيث الملاهيف
قطعت عرقي لين يصفي نزيفه
وياحظ من لاعرف منهو ولاشيف
ان طاب يحمد وان تردى بكيفه
وحنا ورثنا العز عظم وغضاريف
لا ماورثنا العز تاج وقطيفه

منقول واتمنى ان يحوز على اعجابكم

نقل جميل

بس ياليت ذكرت اسم شاعرها

الامير بدر بن عبدالمحسن

الوتيش

تحياتي

سلمت أناملك
لاهنت يالوتيش يالغالي

ياواردين العد كفو المغاريف
الي بقى دمع هماج ذريفة
والله لودمي يغيث الملاهيف
قطعت عرقي لين يصفي نزيفه
وياحظ من لاعرف منهو ولاشيف

الله عليك اخي الوتيش

رائع مانقلت وذوق رفيع المستوى

لا هنت ياراس الرياجيل لاهنت

وحنا ورثنا العز عظم وغضاريف
لا ماورثنا العز تاج وقطيفه


الوتيش كم انت رائع ذوق رفيع ونقل جبار وقوي

احساس جميل ونقل موفق شكرا اخي الوتيش وتقبل تحياتي

رجل كان هنا ورحل