هب ذعذاع الهوى حر وسموم = لا متى ناسين في العالم خيال && موعظه &&

آه من قلب(ن)تجزية الهموم=مرة بالشرق ومرة بالشمال
واتصبر وارجي الله كل يوم=واحتسب والله يعلم كل حال
في جهاد النفس وقون للعزوم=والحمول الي مثل ذيك الجبال
هب ذعذاع الهوى حر وسموم=لا متى ناسين في العالم خيال
في خيال(ن)زايلن بكرة قدوم=قدرة الله والإجابة بالسؤال
لا متى وحنا بها الدنيا نهوم=يعلم الله ثم حنا للزوال
والقبور الي بها ضيق وظلام=تستمع بالقبر لقروع النعال
يالله احسن للعباد بالختام=يوم يرسله رسول من الجلال
سائله منكر ونكير للحسام=للتسع قبرة وصار لك مجال
للجنان الخلد في ذاك النعيم=والسعادة دايمه لك ماتزال
لاتلوم النفس في وقت الملام=وش تحسب الوقت وش لك بالجدال
نار لهبها ولأ لمها بالعضام= واحذر الدنيا وطول للامال

الشاعر : عبد الله بن صلاح العزيزي

صح لسانك يا بو باسل

آه مـن قلب(ن)تجزيـة الهموم *مـرة بالشـرق ومـرة بالشمـال
واتصبـر وارجـي الله كـل يـوم*واحتسـب والله يعلـم كـل حـال

لا متى وحنا بهـا الدنيـا نهـوم
...يعلـم الله ثـم حـنـا لـلـزوال

قصيده جزله وفيها من المواعظ التي تذكرنا بالآخره

الف شكر لك أخوي الشاعر عبدالله بن صلاح العزيزي

تقبل إعجابي بقصائدك وإلى الأمام ..

الشاعر العزيز


عبدالله بن صلاح الرغية العزيزي


صح لسااانك وعلا شااانك


قصيده جزلة وأنت للجزل عنوان أشكرك من قلبي

وسلمت لنا أناااملك على الأبيااات المفيده

صح لسانك اخي عبدالله

مشكوور على القصيده الرائعه