معاناة رجل متزوج مع ورقة المقاضي

ياعااااااااالم قسم راحت حياتي اوراق صغيره .. جيوبي مليانه .. كل ظهريه وبعد صلاة العشا طيب يازوجتي العزيزه فيه شي اسمه دمج .. رئاسة تعليم البنات بكبرها دمجوها .. ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. المشكله وشي .. المشكله اني اقرا طلبات مالها داعي بس مجبور اجيبها .. دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي,,,


مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... شفت الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ,,,

المشكله ان زوجتى تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش انانسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره,,,


وكله كوم ويوم خذت اختي في المدرسه طريقة عمل المكرونه بالبشاميل صرنا يوميا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا ,,,

الله يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض ,,,

المشكله ماعندهم رحمه .. درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. ) ( الله على الجمس لولا وراد الستين ) << ههههههههههههه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس ,,,

وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ,,,

مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه هى خاربه خاربه...

الموضوع منقووووووول

هههههههههههههههه

الله يعينك

يعطيك العافيه اخي فائز
على الموضوع

مشكور أخوي عامر على مرورك مرور الكرام وتعليقك
أخي الوتيش لك كل المحبه والتقدير
بس ورقة الطلبات وراك وراك وفـ جيوبك ياحلو
وبوصيها عليك الي بتتزوجها وبخليها تبلشك
ههههههههههههههههههههههههههههههههه

فايز انت رايح فيها من جد

وودك العالم تروح معك فيها

اقول اركد يارجال ووسع صدرك وطرف البوك

تقبل مروري همام

المشاركة الأصلية كتبت بواسطة همام

فايز انت رايح فيها من جد

وودك العالم تروح معك فيها

اقول اركد يارجال ووسع صدرك وطرف البوك

تقبل مروري همام

همام أنت بديت تشكل لي خطورة أسم الولد وعرفته ( طلال )
في أحد ردودك لموضوع أخر
وأنا بديت أشك أنك بتجيب الطعــــــه وتقول أسم ( أم طلال )
لذلك أرجو عدم التهور وربط حزام الأمان
وطلباتك أوامر ،،، ياطويل العمر
شكراً على مرورك

اخي العزيز كم اسعدني ظهور شعاع نورك وطلتك الحلوه

علي منتدى القبيله ومنبرها الشامخ وانني اتوقع بل متاكد

بانك ستكون شعله في المنتدى لرقى به الي الامام

تقبل مروري ولك مني كل الحب والاحترام

موضوع جداً جميل
وتسلم يابو طلال بس ماتحس ان توقيعك فيه قمر ناقص غير طلال
هههههههههههههههههه لاحد يفهمني غلط هو عارف مين اقصد

نايف الشوق
أول شي أنا ماعرفك
وضح وش قصدك
منهو القمر الي ناقص
لايكون من أقمار بيت بيتكم
الحلوين ،،،
أنا فدوة حلوين بيتكم يانايف الشوق
ولاتقارن نفسك بهمام
[( همام من الروح فـ اللروح )]

فايز تبقى الاخ الاكبر والحبيب الغالي

اسال الله ان يمدك بالعافيه والصحه

مع احترامي للجميع ما اتوقع

ان فيه اغلي مني عند فايز

تقبل مرور اخوك همام

نايف الشوق
كيف ردة الفعل

هههههههههههههههههههههههه
قمر بيتكم
(( بنتك الغاليه ))
يالغالي
لاتفهم غلط
وأنا أعرف أنك تقصد بناتي
بس والله الي بالصورة
الملقوفات ( غزلان وسارة )
مشغلات الكاميرا وشغالات تصوير
هههههههههههههههههههههه
وطلال ماهو معهم ،،