عــــلـــى الهون ياجرح المفرق وضيق البال (تركي الميزاني) مقطع صوت

السلام عليكم ورحمة الله وبركاته


هاذي احدى قصائد شاعرالــــــوطــــــن / تركي الميزاني



على الهون ياجرح المفارق وضيق البـال..
عـلـى الـهـون يـاهــم سـطـابـي وقـدرتــه

اعـزك لـو انـك جـرح ومجـاهـدك قـتـال..
وروضت جسمي لاجـل سقمـك وصبرتـه

لاجل من ملـك قلبـي مـن الجـال ليـن الجـال
وفجيـت لــه بــابٍ عــن الـنـاس سكـرتـه

وحطيت له عن شمس قيظ الغـرام اظـلال..
وشـيــدت لـــه بـيــت بقـلـبـي وعـمـرتـه

عشقـتـه ودللـتـه وجـريــت لـــه مـــوال..
وتـخـيـرت قــربــه لـيـتـنـي ماتـخـيـرتـه

رعى ريف قلبي ليـن صارالحشـا مدهـال..
وعــن مدهـلـه جـنـبـت غـيــره وذيـرتــه

سقيتـه مـن عـدود الـغـلا والـغـرام زلال..
بـعـد مـاجـذب مــن دم قـلـبـي وصـدرتــه

اداري عليـه مـن الزعـل وازعـل العـذال..
وخطاه ان كبر في عين غيري تصاغرتـه

ترافقـت انـا ويـاه مـن يـوم كـنـا اطـفـال..
تـكـون غـــلاه بـوســط قـلـبـي وكـبـرتـه

قـبـل مايـغـطـي لـيـلـه المنـتـثـر بـالـشـال.
سرقـت الكـرى مـن نـون عينـه وسهرتـه

نقش كل حرفٍ من حروفي على السلسـال..
تبـاهـى بـهـا واغـــاظ نـــاسٍ مجـاكـرتـه

وكتبت القصايد فـي عيونـه علـى اليامـال..
وليـامـرنـي صـــوت الـنـواخـذ تـذكـرتـه

وبعـد كـل هالتقديـر والـحـب والاجــلال..
تـغـيــر وهـقـواتــه عـلــيــه مـغـيـرتــه

تكاثـر علـي الله يجـازيـه كـيـف الـحـال..
وانـا يـوم اســوق العـمـر لــه ماتكاثـرتـه

لبستـه ثيـاب الغطرسـه ليـن جـا يخـتـال..
وكبـر فـي عيونـه يـوم الاوهـام غـررتـه

واذا السالفة ضحك ومهازل ولعب اطفال..
خبطت الغصن لين ابـرق الريـش طيرتـه

خلصـنـا وقفـلـنـا الصـنـاديـق بـالاقـفـال..
ومـن جـور حكمـه كامـل القـلـب حـررتـه

وهذا المقطع الصوتي للقصيدة


http://www.5ymah.net/inf/voices-action-show-id-2215.htm