(( اليــتيـــــمـــــه ))

قسى زماني ( لليتم ) ساقني سوق
صرت اليتـــيمه بين كل القــرااابه

كل المشاعر داااخلي صابها عوق
ترجي اله الكون ومنشي سحابه

يفرج لقلب ذووّبه حــارق الشوق
والا بعد فرقــاه هلّــوا تراابــه

مانيب من يسمع لهرجات مطفوق
ومن يسمع المطفوق عقله غدابه

ذابت عروق القلب ولابقى عروق
حيره..وغيره.. ليــن حل وطغابه

ابكي عليك اليوم لين اصبح الموق
دمعـه اهـو زاده ودمعـه شراااابه

منهو بعد فرقاك يستاهل الشوق
منهو اقول اسمه وكلــي طراابه

منهو بعرفه بعزتك هــامته فوق
منهو ربيع القلب واول شبــابه

عقبك حبيبي صار بجروحي حروق
عقبك سطابي هم حل بزهــــابه

حل الظلام بدنيتي عقـب الشروق
كنـي غريبه وتايهه وسط غـــابه

ماعدت اميـز هو علي اولي حقوق
قصـرت اميـز واقعي من ســرابه

احس حبـي داخلي صــار مخنوق
احسه المسجون وخاب الرجا بــه

انا اشهـد ان الموت من عقبك شفوق
وارحم من اللي صابني من عذاابه

فكري عقب فرقاك اشبه لمسروق
امشي بدون شعور سبــة صواابــه

يالله عجل بالدجا شمس الشروق
والطف بحالي ياقريب القــرابــه

اباتحمل بعـدك وكلــي حـــروق
وقلبــي عليـه الله صبـر المصابه


اتمنى ان تنال على اعجابكم هذه من كلماتي وان شاء الله
تكون قريبه الى قلوبكم

تحياتي