ملخص المحاوره بين الشاعر الشمالي ونافل العرجاني .. الثانيه حسب جدول المحاورات المباشره

11-24-2008, 09:14 AM

ملخص المحاوره بين الشاعرين الشمالي ونافل العرجاني

المحاوره الثانيه حسب الجدول

علما ً بانه كان مع الشاعر الشمالي حسب ترتيب الجدول الشاعر بحر القوافي ولكنه اعتذر عن الحضووووور

وكان له بديل وهو الشاعر نافل العرجاني

الطاروق الاول من قبل الشاعر الشمالي

الشمالي

يامرحبا من هجوس (ن) تجتول فالضمير = ترحيبت الطيب للاجواد عنوانها
بحر القوافي تولم خاوني بالمسير = ابحرت فالبحر من شانك ومن شانها

نافل العرجاني

دام البقا يالمرحب ياعسى الامر خير = من شاعر(ن)يظبط الا بيات بوزانها
ابحر على ما تبي حنا معك بالمسير =ونته ونا من رجال(ن)تعرف اثمانها

الشمالي

الله يحييك في حلـة قبيلـة مطيـر = العزوه اللي تكـرم كـل ضيفانهـا
ابحر بنظم القوافي وانت رجل بصير = في ليلة يخزي الرحمـن شيطانهـا

نافل العرجاني

نعرف مطير الكرم والطيب والعلم خير = العزوه اللي تدافع دون جيرانها
مايرتكي للحمل ياكود ظهر البعير = الملعبه جالها ياخوك فنانها

الشمالي

يانافل الشعر حده مثـل حـد الشطيـر = والا خيول(ن) تسـارج وسـط ميدانهـا
في ماضي الوقت والا اليوم وضعه خطير = اصبح ضحية طيور(ن) برق جنحانهـا

نافل العرجاني

الشعر معروف اله قدره وقدره كبير=عند النشاما سواتك تعرف اوزانها
في ماضي الوقت ابه ناس(ن)سوات الغدير=واليوم ماغير سلعه وسط دكانها

الشمالي

ياطير وقع على البيدا وكب المطير = ماتنفع الحجـه الاعنـد برهانهـا
بيوتك اللي بنيت من الهواء تستذير = ولوحتك وحده تعلقهـا بجدرانهـا

نافل العرجاني

انا على الارض ثابت مثل هضبت عسير= والبندق ام المحازم عان نيشانها
نصيحتي يالشمالي هد ولاّ استخير= ابيوتنا يالشمالي فوق سيسانها

نهايه الطاروق الاول

------------------------------------------------------------------------------------------------

الطاروق الثاني من قبل الشاعر نافل العرجاني

نافل العرجاني

ياسـلام الله عليكـم سـلام المسلمـيـن = من هجوس(ن) تبدع الزين لاجل اصحابنا
يالشمالي انت عارف ورجال(ن)رزيـن = البلـى فالوقـت ولا البـلـى بقلوبـنـا

الشمالي

مرحبا ترحيبة بالربوع الغانمين = عدماغر السحايب تبـل ترابنـا
الزمن هو الزمن فيه شده فيه لين = البلا منا وفينا وشي(ن) صابنـا

نافل العرجاني

البقا ياللي ترحب وحنا خابرين = الوفا والطيب منهاجكم ياحبابنا
يالله اني طالبك يامعين الصابرين =تغفر النا يوم عرض الكتاب اذنوبنا

الشمالي

والله إنا مع دروب المقفي راحلين = غيبت عنا وبكره يعـد غيابنـا
اعتبر باللي تشوفه وميز يافطين = خلها تمشي عدال (ن) وهذا دابنا

نهاية المحاوره

لانقول ألا صح السان الشاعرين على الابداع والجزاله

ومشكوووووووووووووور لكل من تواجد معنا

ونتمنا لكم المتعه والفايده والليالي القادمه أفضل بأذن الله

[m3ft1][movet=right]والسلام عليكم

عمر عمران[/movet][/m3ft1]

عمر عمران · 11-24-2008, 09:29 AM

الشاعر : عمر عمران

الله يعطيك العافيه

وصح لسان الشعار

شوقتا للمحاورة

كن بخير

أخوك

نواف بن صعير

عمر عمران · 11-24-2008, 01:06 PM

الله الله صح الله السنتكم

يالشمالي ويانافل العرجاااني

ابدعتووا وطاروووق رائع

امتعتوونا في هذه المحاوره الشيقه

وشاااكرين لكم تلبية الدعووه وبيض الله وجيهكم كفيتو ووفيتوا

عمر عمراان // الله يعطيك العاافيه على التنسيق وجزيت خيراااا ...والتنسيق من هنا ورايح يكوون عندك ومن مهماتك .. تنسيق جميل ورائع

عمر عمران · 11-24-2008, 05:24 PM

صح الله السنتكم

يالشمالي ويانافل العرجاااني

واشكرك اخي

عمر عمران على التنسيق

عمر عمران · 11-24-2008, 09:43 PM

عمر عمران · 11-27-2008, 09:37 PM

بسم اللة الرحمن الرحيم

اخواني الاعزاء الشعراء

الاخ العزيز الشاعر الشمالي

و

الاخ العزيز الشاعر نافل العرجاني

بيض اللة وجيهكم على هذا الابداع وصحة السنتكم جميعا

عمر عمران · 11-28-2008, 07:40 PM

الاخ العزيز الشاعر الشمالي

و

الاخ العزيز الشاعر نافل العرجاني
.
.
فالكم التوفيق ان اشالله
.
وبيض الله وجيهكم ووجه من قام على التنظيم
.
تقبلوا مروري
.
حسين2006

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات