غلطتك الاخيرة

لاتقـول ولاتحــاول مايفيــد الاعتـذار

عقب غلطتك الاخيره لاتحاول تعتــذر

والله انك كـم غلطة وكـم سمحنالك مـرار

بس منته لا اسف يابن ادم معتبــــر

تحسبنك يـوم تجرح فـي حققــت انتصار

مادريت انا نمشيـها علــى بند الصبر

لين جاوزت الحـدود وشب وسط القلب نـار

نار نفسا" مارضت بالذل ماترضى قهر

عاشت بعـز وكرامه مارضت بالانكســـار

كيف ترضى الذل نفسا" عزها تاج وفخر

وانت اخذت الحب لعبه ضحك وامزوح وهزار

تحسبني تحت امرك بس تامرني امـر

صار حبـك دوم ينقص صـار دايم في انحدار

لابغيت ارفع غلاك بداخل القلب انحـدر

لين مات الحب فيني للاسف موت انتــــحار

من سبب كذبك وغدرك صادق الحب انتحر

لاتحسبنـه كـلام اللـيل يمحـاه النــــهار

ماعنا الفرقى بديل ولاعنا الفرقـى مفـر

انتهـا حب الخـداع ولايفيــد الاعتــــذر

عقـب غلطتك الاخيــره لاتحــاول تعتـذر