بعد ثالث ثلاثه/حبيب العازمي

بعد ثالث ثلاثه حـل والوقـت ليـل =كل عين ٍ من العبـرة سقـت خدهـا
ارتعـش واتثبـت والعبايـر تسيـل =لقـدر اقـول ليـه ولقـدر أردها
واقفٍ وقفت المحتار وقـتٍ طويـل= انظـر لواقعـي بالعيـن واصـدهـا
مقدر اهرب من الواقع على المستحيل= تقصر الرجل خطـوه قبـل لامدها
بين حزن الوداع وبين هـم الرحيـل= كـل لحظـه تمـر بهـم واعدها
حسبي الله على الفرقا ونعم الوكيـل= هددتني وانا مجـروح مـن ضدها
اشهد الجدي في مبداه واشهد سهيـل= قصتـي تبنـي الاهـرام واتهـدهـا
ماشفالي جـروح ولابردلـي غليـل= صادت الروح روح ٍ بيحـت سدهـا
كلما قلت شـده قلـت يمكـن تزيـل =وكل ماقلـت راحـة قلـت لابدهـا
شرهت القلب عدل ونظرة العين ميل= اقنع النفـس ميـر النفـس ماودهـا
المشاعر لهـا بيـن الحنايـا صهيـل= والخواطر تحـز النفـس واتحدهـا
اكتب الشعر من دمي ودمـي ثقيـل= كـل ماجيـت امـد القافيـه شدهـا
اقربي يالقوافـي واشربـي سلسبيـل= من نهور ٍ يذوب الذوب مـع ندهـا
وذعني للحقيقـه واشربـي حنظليـل= من بحور ٍ يساقـي جزرهـا مدهـا
مايشـح الكريـم ولايجـود البخيـل= كـل نفـس ٍطبيعتهـا علـى قدهـا