لإول مره مزيد بن سالم الرهيف

اخواني ألإعزاء





أُقـــدم لكم ولإول مره هذه القصيده للشاعر المرحوم بإذن الله مزيد بن سالم الرهيف

عندما نزحوا ربعه وجماعته طلباً للماء والكلاء.


( أيامها بني عزيز قـله وقوه بدليل هذه القصيده وهو يخصهم كلهم في هذه القصيده الرائع )

وهو فقيرالحال لايملك بعدهم سوى هذه القصيده اللتي يخاطب بها إبنته.





ونقلها لـيّ المرحوم بـإذن الله ( (الواسط) للرهايفه (والعارفه) )


الذي لم ولن يُـنسى نويشي بن نشا بن سا لم الرهيف






البدو شــــــدوا يامغيضه محيلين === على وســـوق مشقرات الخفافي


احــدٍ يدور حبــل واحـدٍ مواعيـن === واحــدٍ يــدور للمسـامــه ظــلافي


عهدي بهم يوم اتقوا بالمضاعين === لين اتقـوا عني بـذيـك الطّــرافي


ودموع عيني مثل سـيل الودادين === لن جـيت امشه بالعمامه يشـافي


يالعين لاتـبكــين ربـِـعــك قــووين === ولايبكي الا من ربوعه ضـعــافي


عـدوان للعــدوان للضـيف هـشّـين === وعن جارهم مايقضفون اللحافي

وســــــــــــــــــــلامـتـكــــــــــــــــــــم


والقصيده أطول من ذلك والمعذره فالتقصير

قصيده رائعة ومشكور ياوائلي علي النقل
ولكن نعرف ان طال عمرك شاعر ولكن لم نري منك ولاقصيده الي الان

أنت الأروع يالعزيزي333

أبشر ياخال

شكراً على القصيدة الرائعة
مشكور الوايلي

يالعين لاتـبكــين ربـِـعــك قــووين === ولايبكي الا من ربوعه ضـعــاف


قصيده جزله والله يرحم الشاعر/مزيد بن سالم الرهيف

خوووووي الوايلي مشكوووووري على النقل المميز
وانت كما عودتنا تختار كل مميز ونادر
يالعين لا تبكي ربعك قويين====ولا يبكي اللى من ربوعه ضعافي
فالك البيرق يا بنااخي

مشكـور
تقـبـل مــرورـي

ولا أقاطع ورادك ياولد العم ( الوايلي ) ومشكور على إيراد القصيده

هذا أولا ثانيا بعض الأبيات اللي وصلتنا تختلف عن ما أوردت قليلا والمتأثر في هذه الأخطاء البسيطه الوزن
وأعيد أكرر أشكرك

وفي لبيت الثاني

أحدن يدور له حبال ومواعين == وأحدن يدور للمسامه ضلافي

البيت الخامس
ياللعين لاتبكين ربعك قويين === مايبكي ألا من ربوعه ضعافي

والبيت الأخير

فالقوم قطاعه وللضيف هشين

اللي متأكد منه أوردته واللي ماني متأكد منه ماعلقت عليه لو أنه يلحقني في بعضها بعض الشك

وأعيد أشكرك للمره الثالثه يابن العم (الوايلي) والأختلاف لا يفسد للود قضيه

يالعين لاتـبكــين ربـِـعــك قــووين = ولايبكي الا من ربوعه ضـعــافي

سبحان الله البيت هذا لي فترة وانا ابحث عن قائله
جزاك لله عنى كل خيرآ

الوايلي

قصيدة مزيد سالم الرهيف

قصيدة معروفه

لكن كادت تنسى

شكرا على نشرها كي لا تنسى

تحياتي