يامعشر الشعار

السلام عليكم ورحمة الله وبركاته

هذه المتواضعه لعيون اخونا الليث وحسب طلبه لعلها ترضي ذائقته

ايه يامعشر الشعار والعلم خير= قبل تطرح صغار السوس سن الجما
اقصمت قشة الجمال ضهر البعير= مايفيده دواء مكواه لو احتما
من عطى له طريق ولاعرف يستنير=تاه اما ذبحه الجوع والا الضما
والعمى اللي يتيه الدرب وهوه بصير= ماهو اللي يتيه الدرب وهوه عما
الغني لو يبى ياخذ طعام الفقير=كتبت ارزاق خلق الله وهي في السما
شاعرٍ مايجيب النادره يستخير= يوم يسمع كلام الشاعر الملهما
خذ مثل شعر ابن جدلان ماله نظير= من سمع مفرداته شاش له واستما
البيوت الجزيله نفحةٍ من عبير=كنها موعظه والا كلام حكما
وكل سيلٍ ليا وصل محيره يحير= يتراكم ولامن زاد نوه طما

الشاعر رويضي العزيزي
كـــ زخات من الجمال كانت كلماتك
تزداد المساحات تألقاً حين تهطل
عناقيد عذوبة
وجمال هنا
إبداع ..
لكن ليس حد الإرتواء
فلن ترتوِ الروح من روائع أحرفك الساطعه
دمت متالق ودام قلمك الرائع
لـآعدمنـــاك

خشمك خشمك يابن وسمي
تسلملي عيناك
لاعدم ولاخلا
ايوالله راقت لي ونطمع في كرمك ياشاعرنا

اعجبتني بقوه مجمل القصيده وبالذات

شــاعـــرٍ مـايـجـيــب الـــنـــادره يـسـتـخـيــر
يـــوم يـــســـمــع كــــلام الـــشـــاعر الملهما
خـذ مــثـــل شعــــر ابن جــــدلان ماله نظــير
من ســـمــع مـفــرداته شــاش له واســتــمــا

تقبل اجمل واعذب التحايا يابن وسمي

اخوي الطريس

اسعدني مرورك العطر

اخوي الليث

يسلم خشمك يالقرم

واهم شيء حازت على رضاك

جزلة من جزل يابونايف

صح لسانك اخي رويضي

ابيات جزله من شاعر جزل

ويستاهل الليث

صح لسانك وعلا شانك