الشيخ عبيد عوض المندهه

قصيدة فالشيخ / عبيد عوض المندهه

.
.

ي هاجس افكاري تقدم وانا عيد = وفصل يدين السالفه عن قدمها
ماتنكب العثرات غير المقاريد = اللي خبيثن فعلها وقول فمها
والاالرجال اللي تخاف المناقيد = تحفظ كرامتها وترفع شيمها
حتى لياجاها من الناس عربيد = فسلن بزلات اللسان يهجمها
التشوم عنه النفوسها وتجعله حيد = متلد يمه بالنظر لو زهمها
ليه على عسر الموارد مواريد = لسرحة روس الشواوي غنمها
منقع صفاتن يارده ذاير الصيد = في راس عيطا للهبوب ونسمها
ماقد قطفت الا علو العناقيد = اقلط وقلط لنشاما طعمها
اتليق في روس الرجال الصناديد = اللي على العليا يرفرف علمها
سلام رديه على الشيخ تحديد = المندهه شيخ الرجال وهرمها
الواضح اللي مايبي زود تاكيد = اللي خدم مكه ووسع حرمها
عبيد بن عوض ومن يجهل عبيد = غير الضعوف اللي كثيرن هيمها
شيخن ولد شيخن وصلفن كما الحيد = اليا عتزا وقت الدعاوي حسمها
معجزن طيبه قروم الاوالييد = ومعجزن روس الرجال وكرمها
الطيب والطالات والذكر والايد = عز الله انه حازهاوستلمها
الهيلع اللي دايمن شوفه بعيد = نفسها شوامخ عزها من هممها
ميقول انا ودي ولا يقول انا الريد = الليا بغى حاجه بيده لزمها
يستاهل العنوه ومنصى الاجاويد = ولياعنتله ماتحصل ندمها
عون الدريك اللي على رجله القيد = وزبن الامور اللي كبيرن اجرمها
ويمد مداتن على غير تحديد = خل الضعوف اللي تحسب كرمها
غيثن ليامنه تهزع على البيد = فاضت خباريها ودبت نعمها
تلقا الطروش بفيض نبته مقاييد = امن الحيا خطر يتفتق شحمها
هذا عبيد الشيخ من يجهل عبيد = اللي خدم مكه و وسع حرمها
نفخر ونفرح به مثل فرحة العيد = ونفوسنا لمر ذكره زعمها
وحنا معه مثل الجنود المجانيد = اللي توقف تحت راية حكمها

اخي عيد العزيزي
صح لسانك واعتلا شانك
ويستاهل ابومنصور وهوراعي الاوله ولا يمكن نجهله
هـذا عبـيـد الشـيـخ مــن يجـهـل عبـيـد
الــلــي خــــدم مــكــه و وســــع حـرمــهــا ابو متعب طال عمرك

اخوي عيد العزيزي

صح لسانك وابو منصور يستاهل المدح ويزهاه

صح لسانك واعتلا شانك

صح السانك ياعيد العزيزي على القصيده الشامخه في رجل يستاهل عبيد المندهه يزهابه القصيد
لك اجمل تحياتي

يستاهل الشيخ عبيد عوض - والنعم ابو منصور
وصح لسان الشاعر

يستاهل ابو منصور وأتمنى له وللجميع التوفيق في الدنيا والاخرة
كفووووووووووووو

عـون الدريـك اللـي علـى رجلـه القيـد

وزبــن الامــور الـلـي كبـيـرن اجرمـهـا
يستاهل ابو منصور

كفو يستاهل الشيخ عبيد عوض العلم الغانم

صحت ابدانكم جميع .....

وبيض الله وجيهكم ..... وابو منصور يستاهل
وهذي قليله في حقه