قصيدة الغيبة مصيبة

قصيدة الغيبة مصيبة

. يا مسلم الغيبة تراها مصيبة
والله حرمها بمحكم كتابه
صارت مجالسنا تفكه بغيبة
اللي بلحم الميت فيها تشابه
حتى القريب اليوم يغتب قريبه
والمجتمع منها تزايد خرابه
كم واحد قالوا قريبه حريبه
لين أصبحت لوضاع فيها غرابة
إبليس كلف من جنوده نديبه
يشيع بين المسلمين الحرابة
أوصاه بالغيبة وهي كل خيبة
من شأن يكسر جسر شمل القرابة
الغيبة الغيبة تراها عجيبة
فيها دمار المجتمع يا شبابه
نصيحتي لهل العقول اللبيبة
مجلس به الغيبة يصكون بابه
المجلس اللي فيه غيبة غليبة
والله شتمها والنبي والصحابة
يا كل عاقل خل نفسك حبيبة
والغيبة أتركها تراها غلابة
ابعد عن المغتاب لا تقتدي به
آكال لم أخيه ما يقتدا به
لا بد صكات الليالي تصيبه
حتى يرى من جور هرجه نصابه
واللي معه فالنفس شك وريبة
في كل ما قلنا يراجع حسابه
منسوبوا البحرية الصمت هيبة
والصامت الحساس خصمه يهابه
تكفون يا أصحاب الصدور الرحيبة
خلوا مجالسكم بنفس الرحابة
خلوا مجالسكم علوم صويبة
والغيبة الجيفة طعام الكلابة
أخوكم ادهم قال يا من يجيبه
عنده سؤال ما توصل جوابه
يقول من يغتاب يا كبر عيبه
حتى ولو هي فارهات ثيابه
في مجلسه من يسمعه يزدري به
بل فيه من هو شبهه بالذبابة
أمة محمد منهجه تعتني به
من خالفه يا ناس يفقد صوابه
صلوا عدد من زار مكة وطيبة
على النبي اللي عداته تهابه .

يسلم نقلك يالبنيد

اعاذنا الله واياكم شر الغيبه..
قصيده جداا رائعه ووافيه..
كل الشكر لك اخونا البنيد...

اختي :الغيد

اسعدني مرورك

ويعطيكي العافيه

الله يحمانا من هذا الداء الذي انتشر في المجتمع واحببت ان اشارك بهذين البيتين

كما اشكرك اخوي البنيد على هذا النقل تقبلوا تحياتي

على علوم الطيب حنا نجيبه = حيه وحي القول واللي لفابه
الجرح ينزف والشريعه طبيبه = والله نهانا ياعرب في كتابه
يا امة الاسلام هذي مصيبه = شذب البنادم وشتبى في غيابه
واللي يشوف العيب ماشاف عيبه = والا عسى هن طاهرات ثيابه
كلا(ن) يبى يدفع عليها ضريبه= إن زاد زادوا وإن نقص من حسابه

المشاركة الأصلية كتبت بواسطة الشمالي.

الله يحمانا من هذا الداء الذي انتشر في المجتمع واحببت ان اشارك بهذين البيتين

كما اشكرك اخوي البنيد على هذا النقل تقبلوا تحياتي

على علوم الطيب حنا نجيبه = حيه وحي القول واللي لفابه
الجرح ينزف والشريعه طبيبه = والله نهانا ياعرب في كتابه
يا امة الاسلام هذي مصيبه = شذب البنادم وشتبى في غيابه
واللي يشوف العيب ماشاف عيبه = والا عسى هن طاهرات ثيابه
كلا(ن) يبى يدفع عليها ضريبه= إن زاد زادوا وإن نقص من حسابه

صح لسانك وبيض الله وجهك

ويعطيك العافيه على المرور