يامل قلبً عذبته الصواديف

يامل قلبً عذبته الصواديف 00وعزاه ياجرحن من الناس ينشاف
لاقلت هانت عودلي مناكيف 00كن الضماير لالشقا صارت اهداف
وقتي شحيح ولايرد المعاريف00 وهموم بقعاء جات من كل الاطراف
والحظ الاقشر كلف القلب تكليف00 لاقلت هانت يرجع الهم باضعاف
وطاح الكريم ولاقدريكرم الضيف 00ومنولن يعرف مع الناس مضياف
واليوم وقتي كتف القلب تكتيف 00والرجل ثقلت كنها فوق مهياف
والبارحه عديت روس المشاريف 00وتهيض الخاطرعلى راس مشراف
وغنيت شعرًخفف الهم تخفيف 00وارتاح بالي يوم اهوبل مع القاف
وقمت اتذكرفالرجال الشواحيف 00اللي لهم في عسر الايام ميقاف
قمت اتذكرهم وافك المضاريف 00وذكرت من لي فالزمن ستر ولحاف
وذكرت رجلن مالي ادلاله الكيف00 قرمً افعوله كنهاسيوفً ارهاف
هوعزوتي ومشرف القلب تشريف00 انصاه لاجاني من ايامي اجحاف
ذخرته ومالي ومال الملاقيف00 واللي ذخر مثله تراء مابه اخلاف
واناتراني فالزمن ماني اضعيف 00مير الزمن بالضلم يحرفني احراف
هذي حقيقه واقعً دون تحريف 00واقع مرير ويشرحه قلب شفاف
تمت وجزلات المعاني عواصيف 00والوقت يطلب من هل الطيب ميقاف
وعلى النبي صلو وكونو مواليف 00صلو عليه اعداد من بالحرم طاف
من قصايد عبدالله المندهه

اللهم صلِ و سلم عليه خير الصلاه و التسليم

وغنيت شعرًخفف الهم تخفيف 00وارتاح بالي يوم اهوبل مع القاف


ي جعل همه دوم بتخفيف
صح لسآآآنه عدد ما قال

كل الشكر على القصيده ..

ولفت قافاً واعجب الليث توليف
انشهد انك تسخر القاف بانصاف

صح لسانك ياعبدالله
وسلم نقلك يابرق

امتنان اسعدني مرورك الليث تسلم وانااشهد انك شاعر مبدع

وقتي شحيح ولايرد المعاريف ...وهموم بقعاء جات من كل الاطراف


صح لسانك يابو ثواب وانت منبع الشعر وساسه

اسيرالصمت مشكور يالغالي يشرفني مرورك

برق بيض الله وجهك على القصيده الجزله وصح السان شاعرها

حياك الله يابن شداد ومرورك يشرفني

تمت وجزلات المعاني عواصيف 00والوقت يطلب من هل الطيب ميقاف

صح لسانك يابرق

محمدالذيب مشكورعلى المرور