البعد ذنب مصير القرب يقترفه

عرفه وشارع تخفف ضوءه الشرفه
نصفه تحجبه ونصفه يدخل الغرفه
اشعته بعضها تظهر لي اشيائي
وبعض الاشعه عن الاشياء منحرفه
متعلقه ساعة الحائط على صدره
الليل متعب عقاربها ومنكرفه
ومدنقه لمبت المكتب على اورقه
تقراء بكل انسجام معلقة طرفه
في ليله الجوء بارد والسماء تمطر
والذكريات الحزينه جات منجرفه
لاصادفت ها المشاعر مثل ها المنظر
خليت منحى القصيد يشوف لي صرفه
فتحت باب الهجوس وصرصرت ريحه
وارتحت عكس المثل من فتحت الدرفه
تنقل ثقال المشاعر وسط وجداني
وتمر بالفكر وتلقح من الحرفه
وتمطر وتنبت ورودالشعر واقطفها
وانسق الشعر للعمهوجه الترفه
اللي ماعرف الهوى من قبل لاعرفها
من عرفها صرت اعرفه ينقطع عرفه
لوكان ما بالمشاعر مايعكرها
البعد ذنب مصير القرب يقترفه
لونظمن الحب عذبن من توالينا
من يظمنه من توالي ضرفي وضرفه
ياليت الاقدار يوم تمر واحداثي
مارتبت لصدف مع قلبي وطرفه
لن اللقاء بالحقيقه يعني الفرقا
ماكنه الايقول الصرفه الصرفه


الشاعر عبدالعزيز الفريدي