عن بعض ناس اقصري فالمشي يارجلي!!!مـن لايقـدّر مجيّـك ليـه تنصيـنـه

عن بعض ناس اقصري فالمشي يارجلي
مـن لايقـدّر مجيّـك ليـه تنصيـنـه

لاصار لامن زهمتـه مايجـي عجلـي
وش خانة العشره اللـي بينـي وبينـه

خله يولي عسـى الله منـه يفرجلـي
حرام ماتبكـي عيونـي علـى عينـه

ماهـو بلاناقصـن رزقـي ولا فأجلـي
الـرزق و الاجـل عنـد الله وبيدينـه

زرعت بارض الصبخ باغيـه ينتجلـي
ولا طلع فيـه غيـر الملـح والطينـه

ضحين لجله ولاهـو مضحّيـن لجلـي
عن ماتسـوي يمينـي تقصـر يمينـه

انـا بعلـم المفاخـر حافلـن سجلـي
اتعب على الطيّبه واعرض عن الشينه

يوم الردي في حبال السـوء ينسجلـي
وانا احسبّنـه صديـق ونيّتـه زينـه

قـدّام وجهـي يرحـب بـي ويبلجلـي
واثـره يخفّـي العـداوه لـيّ بيدينـه

ماهو بلاحـق جزايـه لـو يحجّج لـي
يـوم الحبـل حـط بيدينـه ورجلينـه





هذه القصيده الرائعه لشاعر /سعود الوسمي