جذع النخل يابس من أسباب سوسـه ،،،،

اللي يشـوف النـاس فـي شـق عينـه

يبعـد عـن اقــدام البـشـر لا تـدوسـه

والـلـي غــزاه الـكـبـر تـبــت يـديـنـه

الـزود نـقـص ٍ والعـقـول معسـوسـه

يقنـى الرخيـصـه يحسبنـهـا الثميـنـه

تلعب به اوهامه علـى ادنـا طقوسـه

ومــــلا يــقـــدم لـلـنـشـامـا يـمـيـنــه

قــدره مــع يـسـراه حـقــه وقـوســه

ابــلا سـبـب كــون بـصـدره ضغيـنـه

عـلامــة احـزانــه دلايـــل عـبـوسـه

والنـاس مــا تجهـلـه زيـنـه وشيـنـه

والعاقـل اللـي نـاجـح ٍ فــي دروســه

ومـلا يفكـر وش مـعـه فــي ضعيـنـه

يقبـل عليـه الوقـت ويشـوف حوسـه

ياللـي زرعـت الخـوخ مجنـاك تيـنـه

ضيعت مابيـن الشجـر فـي غروسـه

احـد ٍيـدوج السـوق يبـغـى السميـنـه

واحد يدوج السـوق تقحـط ضروسـه

نفـسـه عـلـى غـــش الاوادم تعـيـنـه

امـصــدقٍ كـذبــه وطـفــرة فـلـوســه

حسـايـف ان ابــوه يحـسـب سنـيـنـه

وحسايـف انـه يدخلـه فـي هجـوسـه

امــالـــه انـــــه قــايـــد ٍ لـلـسـفـيـنـه

وامـالـه انــه ينتـقـي لـــه عـروســه

ضـاع الرجـاء والعـمـر قـفـا غبيـنـه

اقـبـل بـثـوب الــه ولا هــو بـقـوسـه

مـلا يحسـب الـوقـت عـسـره وليـنـه

يصبـر علـى وقتـه ليـا جـاء يروسـه

كـــلا عـلــى طـيـنـه ويـلـقـاه طـيـنــه

جذع النخل يابس من اسباب سوسه