الوسامه ..؟ لعامر العقيلي

غير الوسامة ياحلو مالي عيوب=في ذمتي يازين ماني بشيني
جمال روح وحسن منطق مع أسلوب=أقدر أذوب دمعتك وسط عيني
تعال نبقى صوب والناس في صوب=أجلس معي شمال ولا يميني
نبغا أنتأمل كل ماكان مكتوب=في نظرة ألاعيان بينك وبيني
وأخذك من جوك بلا سحر وذنوب=بحلو الكلام وهمسة الناعميني
وترك مثل الثلج فالشمس وتذوب=ويستقبلك حضني وضيعك فيني
وفي رفعت القذلة عن الخد موهوب=أشيلها برقة بأنامل يديني
وأليا صحى من غفوة الشوق يادوب=يسمع كلامي ويتنهت يبني
علية ردفن عذب الساق والثوب=ألا متى صبرن يبيح الكنيني
وعلية رمشن يطرح الطير مقلوب=ويكفربة المسلم علا كل ديني
وعلية خدن يجذب أرواح وقلوب=أستغر الله يحيي الميتيني
وشفايفن من بينها التوت مصبوب=وخمرن من الفردوس لشاربيني
خرسن عيونة نعس مافية عذروب=كود الدلع ومكايد العاشقيني
ياريح ريحانن من الريح مصحوب=بطراف ريح الشيح والياسميني
الحب مايعرف عناوين وقروب=مايقبل ألا أثنين وأصدق أثنيني
وأليا تعدا أثنين ماهوب مرغوب=هذي سماجت حب لسامجيني

يالحب حاكـمنـي تراء الـحب مــكتوب
تلعب على المسحوب مادري الهجيني

سلمت أناملك على هذا الذوووق الرفيع ابن عمي ،،،،

وشفايفن من بينها التوت مصبـوب
وخمرن من الفـردوس لشاربينـي
خرسن عيونة نعس مافية عـذروب
كـود الدلـع ومكايـد العاشقينـي
ياريح ريحانن من الريح مصحـوب
بطراف ريـح الشيـح والياسمينـي
الحب مايعـرف عناويـن وقـروب
مايقبل ألا أثنين وأصـدق أثنينـي
وأليا تعدا أثنين ماهـوب مرغـوب
هـذي سماجـت حـب لسامجينـي

والله قصيده رائعه جدا
صح لسان شاعرها وسلمت انامل ناقلها