مجاراة قصيدة الرصيف الهادي

طال انتظار الشوق ياحرمانه=الله يجير رموشك الكسلانه
بروزتلك صوره بوسط عيوني =وحفظتها في عيوني السهرانه
اخاف انام وتنمحي من عيني =اتعبت نفسي بالسهر من شانه
طال الغياب ولاعرفت اسبابه=ليه الوصال مقفله بيبانه
نخيت حظي فزعته ومعيي=وشفت الزمان معقدًحجانه
وقفيت عنه وفي يدي مسباحي=والمشلح الي ضابطن قيفانه
وطلعت من جو المدينه هارب =ابغى هدوء البر وإطمئنانه
وان حان فرض الله علي اصلي=وطلب من الله عفوه وغفرانه
بجلس طرف ذاك الشعيب السايل=الي بقايا السيل في قلبانه
شبيت نار السمر من كبريتي=واللي يصفي ذهني بدخانه
عبيت من مويا الشعيب الصافي=بالموقع الي تنعشك ريضانه
ضبطت لي دله تناسب كيفي=حكرتها للعصابي التلفانه
ركدتها في جال ضوء وجمره=خليتها تطبخ تقل حدمانه
اخذت اقلب ناري بملقاطي=واجمع حطبها وتشتعل نيرانه
يوم اخلصت زليتها فالدله =جلسة اقهوي نفسي الضرمانه
صبيت لي فنجال قمت اشفه=ركد خواء راسي وطاح اجنانه
مافوقي الى البدر يشبه نورك=نور مكانً مظلمات اركانه
اتخيل انك جالسه قدامي =واصب لك فنجال يافتانه
وقعدت اسولف لك عن الي جاني =في غيبتك ونفس لك ولهانه
وانت تسولف لي واتابع نطقك=لبا حكاه ولكنةً بالسانه
احلى ثلاث بدنيتي موجوده=طيفك وماء السيل في بستانه
يوم انتبهت اني اهرج روحي=وحتى طيوفك جاتني عجلانه
آنستني يومي وحيد الحالي=حي الخيال وحيهم ضيفانه
جلست لين الفجر شع بنوره=والليل ودعني يجر العوانه
ثم انشرح صدري بعد هاالرحله=بعد هدوء البر وإطمأنانه

كفو قصيده بدون مجامله كايفه

أعجبني كل بيت
بيض الله وجهك

أُكرر أعجابي مره أُخرى

صح لسانك يامحمد رائعه جداً صراحه
عشت القصيده وجوها تصويرك فيها جميل جداً
أسجل أعجابي وبقوه

تحيتي
الح ـب حاكم ـني

صح لسانك قصيده رائعه


ابداع بمعنى الكلمه

مافوقي الا البدر يشبه نورك
نور مكاناً مظلمات أركانه


شاعر كبير يابن شداد

وتستاهل الجزل

يارباه .. يارباه



عز الله ماهي غريبه عليك ياابن شداد الطلاحبي



وماأقول غير الله لايخلي البيوت الطيبه من أهلها ..

صح لسانك يابن شداد قصيده في غاية الروعه وفالك البيرق وتقبل تحياتي وطلبك جاي ان شاء الله

يامرحبا نورتو متصفحي من اول زائر الى اخر زائر
ومروركم محل اهتمامنا
ودمتم بخير

صح لسانك يابن شداد

ليست غريبه عليك هالجزاله

شاعر مبدع دائما