مرثيه في المرحوم/ مالك الشلاحي رحمه الله

اقدم اعتذاري لعدم تواجدي الدائم فالمنتدى للمشاركة اعضااءه المميزين دوماً‘

وانقل لكم قصيدتي الرثائيه فالمرحوم / ماللك الشلاحي رحمه الله

دار القدر واللي حصله مقدّر
مالك عسى وجهك بعيداً عن النار

البارحه والـدمع مـني تنـــثّر
وأفرك يديني وأصفق يمين ويسار

مما جراله خـاطري به تــكدّر
والقلب راضي في تصاريف الاقدار

برثيك وأرثي خاطري وأتجبّر
رضيت يوم الموت قصاف الاعمار

سبحان من عدالخلايق وصور
يالله بـــآمرك ياعـــــزيزاً وجـــبّار

لاتـــآامن الأيــام.! ياللي تـعبّر
شـان الزمان اللي به القلب صبّار

رضيت....يوماً القدر ماتـأخّر
ولاني براضي يوم جاراًقــتل جــار

ومن صاب دمك والله انه تعثّر
حد الحرابه ماكفى فيه لوصار

قمت آتخبّرعنه قمت آتصبّر
ولاني بطيب لين ناخذلك الثأر

وعزالله أن الدمع مني تحدّر
والقلب من وسط المعاليق محتار

والعقل في حيره وانا ماتعذّر
شوري فراسي يوم كثراًالأشوار

نايف الطلاحبي