تهنئـــــــــــــــــة

الاخ العزيز مزلب العزيزي

يامرحبا بك في محلك

وهذي ماهي غريبه عليك

والله يحييك

وهذي الابيات ماهي الا تعبير عن صدق شعوري وسعادتي بتواجدك معنا

ف اليكــــــــــ القصيده

يامرحبا ترحيبتن عن كل ترحيبه تزود=لو زاد راع الاوله حنا علينا زودها
مادام مزلب بيننا وش لون يهنالي قعود=رجَال قاد الطيَبه قدمي وانا بقودها
نمشي على درب الجدود وعز يادرب الجدود=والجود هذا اللي نشوفه باقين من جودها
ليل السعد ياليت ياليل السعد دايم تعود=وانا علي ان كان عود بالسعد لعودها
وانا ولا ابغالي وصيه باذلن كل الجهود=وربعي ليا جات اللوازم ما تشح جهودها
البيت ما نبنيه يا اهل العرف من غير العمود=والاَ الهجوس اللي يباها حاضرن مرودها
وانتم وحنا عيال رجل وبيننا مابه حدود=ميقافكم ميقافنا من ماضيات عهودها
وان قلت قولي مايباله لا ثبات ولا شهود=وان قلت قولي يكتب التاريخ قبل شهودها
حنا الفهود ان كان يا اهل العرف فالديره فهود=وان كان زادو قدمنا حنا علينا زودها

وتقبل تحياااااااااااااااااااااااااااااات اخوك

عادل العزيزي

	والمعذره ان كان جاء القصوور