الشــــــــــــاعر عيــــــد العــــزيــــــــزي

لاتطري الخوه ولا انته خوين لي = ولي سواتك ومثلك مايخاويني
خاويتكم لين عفت وخاطري ملي = على بساط الصراحه لاتحاكيني
وجهي من العز والشيمات مبتلي = وعرف حقوق النشاما والمعاويني
ونقالوا أن البشر غاوي ومدلي = أخذت علم التجارب لي براهيني
واللي يبا الطيب واهل الطيب ماخلي = معرف حق اليسار وحق اليميني
زي من توفي حقوق الناس بالملي = حقوقها مكمله عند المياميني
وأنا مع الطيب اللي يعقد ويحلي = اللي ليامن نصيته مايخليني
وليا دعاني عنيت وجيت له كلي = ضامن تراحيبه وضحك الحجاجيني
عن جاير الوقت لي مزبن ولي ضلي = وانا ضلاله ومزبانه مسميني
ولا انت تقفي مع الدنيا وتقبلي = خوي لزومك صحيح ومدت أيديني
لاتقوم واجب ولا انته مشفين غلي = أتشيل كبدن مثل كبد البعاريني
واللي بعينه وعقله شاف ماضلي = لاتحسبني على كيفك تمشيني
وريث من يجهر بهرجه ولاذلي = ولادسها في ظهور اللي مقفيني
وفي وجهك اقولها ماانته خوين لي = واللي سواتك ومثلك مايخاويني