الشــــــــــــاعر عيــــــد العــــزيــــــــزي

هذي قصيده مطلوووووبه

كانت في اخر مرحله من(( مسابقة شاعر المهد)))

أتعبت للميقاف خيل الطواريق = اعنها وقطعبها كل جوله
من فضل ربي والليالي توافيق = لن صنفوها من نوادر خيوله
والشعر له ناس وهواه وعشاشيق = وانا كتبته مقتدي في زحوله
ارفاه عن باب الخطا وتعاليق =وارفع مقامه قبل اوقف وقوله
مقدم الا كل ميطيب ويليق = ون مر نقاد الشعر صفقوله
شعرن لياوقف على خاطري ضيق = يبرق خياله ويتباشر هطوله
ورحت التمشى بين نبت الزماليق = انفا دقاقه وتنقى جلوله
اروي ضماه وترتويه المعاليق = واقف ومثل فيه دور البطوله
يرضي مخاليقن وتبقى مخاليق = وكلن بذوقه وبقناعة ميوله
لامعاتب ارزيق ولا هاجي ارزيق = ولاني كفيل الخلق ورضي زعوله
لي وجهتي فالراي وسلوب تدقيق = وجهة نظر لوكان ماهي شموله
لأن التجارب فالليالي مواثيق = والعمرتوه ماتثاقل حموله
أكشف مغاليقن وخلي مغاليق = أسرار فشيين ماتفتش حلوله
والمجتمع لوفيه ذمه وتصديق = ويخاف ربي أسوتن في رسوله
ماشفت ضلم .. ولايجي فيه تفريق = وفيه أيتنفذ كل شي أبأصوله
لو لا الصبر كيف انقل الحمل وطيق = مافيه شين فالحياه بسهوله
تحتاج من هو يتعب الرجل ويويق =والمجد من لا يرتقي مايطوله
ونكان ذقت من التعب شي ماذيق = لولا الصباح الليل مقفت سدوله
ولولا شموخ طويق يااقمة طويق = محسب طلوعه لجل احسب نزوله
ياليتني طيرن ورف السوابيق = لاضاق وجه الارض عرضه وطوله
من هرجت الغيبه ومن زلت الهيق = واللي على التفريق يشعب ذلوله
لكن لي مبداء الرجال المطاليق = والطيب عمله والمراجل عموله
ون لاحقتني بالعلوم اللواحيق = ماني من اللي لاسمع طق جوله
الصمت يرفع للجبال الشواهيق = والهرج بعض احيان يفقد قبوله
نسكت عن اللي يلفق الهرج تلفيق = ونعاتب الطيب ونرفا خموله
قلته وباقي والضماير صناديق = ولا كل مافالصدر نقدر نقوله
يارب سترك قبل لاينشف الريق = وعفوك نهارن فيه تعرى الخجوله