الهاتف الجوال

الا وعذابي منك يا الهاتف الــــــجوال
تجدد جروح القلب لو كان ناســـــيها

جروح(ن)قديمه وسط قلبي لها منزال
احاول عن العربان في القلـــب اخفيها

تذكــــرني النغمه حبيب(ن)عليه الشال
حبيب(ن)بعد ربي جروحي يداويــــــها

اذا شفت زوله قمت اغني له المــــوال
واسجل طواريق المحـــــــــبه واغنيها

واذا غــــاب مايرتاح لي في غيابه بال
اهوجس وكني بين الاجواد معـــــطيها

تحـــــــكم بقلبي ثم سلمـــــته الاقـــفال
يولـــــع به النــــــــيران ولا يطفــــيها

عسا ربي ايحفظه بحفظه من العــــذال
ومن العالم الحساد وللي يماشــــــــيها

صدق من يقول ان الهوا يطرح الرجال
يسوي ســـــوايا ما اتوقع يســـــــويها

لو انه شجيع وله مع اهل الفعول افعال
يهد الهوا حيله وروحـــــه يعنـــــــــيها

لكن مالي الا الصــــــبر ويحلها الحلاال
وحاجه من الله ياعسا الله يحيــــــــــيها

وهذي مجرد فال واللي تبقا اعـــــــقال
ونبذه عن العشــاق واللي يراعــــــيها

عايض نور العزيزي

واذا غــــاب مايرتاح لي في غيابه بال
اهوجس وكني بين الاجواد معـــــطيها

صح لسانك واعتلا شانك يابو نور
ومرحبا بعودتك ياخي عايض ماشوف لك ردود منك على قصايدك التي تعجب اخوك الليث
اشيد بوجود ك واتحمس بردودك

صح لسانك
اعجبني

اذا شفت زوله قمت اغني له المــــوال
واسجل طواريق المحـــــــــبه واغنيها

واذا غــــاب مايرتاح لي في غيابه بال
اهوجس وكني بين الاجواد معـــــطيها

اختيار رائع اخي الغالي

سلمت اناملك