توقفت في حيره

السلام عليكم ورحمة الله وبركاته
وبعد اهدي اليكم هذه القصيده التي تم توجيهها الى الشاعر الكبير رزن ماشع الرهيف وسوف اوافيكم بالرد لاحقاً انشاءلله


عسى الله يعين اللي نحى قلبه الميلاف
يزيد الجهد وأثر على الحال تعذيبه
سهمه الذي ركزبرمحه على الاكتاف
تختل برمحه لين مكن بصاويبه
ولاهو بواضح يوم جاني على الميقاف
اصده ولااترك في تغرز مخاليبه
ولاكن بغتني بغتاً مالها شواف
بصدري تربع تهة فى الشك والريبه
تجرك بسلك الحرير وتكتفك بكتاف
كما من خطفه الموج ولااحداً بيدريبه
ويشر بيده طالب النجد والاسعاف
ودرب السلامه غد ماهو بمحريبه
والا يابو تركي سر هذا عليه طاف
وابشكي من اللي بين صدقه وتكذيبه
صحيح الهوى يأ تي على صاد ولاكاف
انا ماقدرت احد وش قو توثيبه
تجاوبة مع نفسي وقلت الهوى لي حاف
وابنهاك عن درباً تكدر مشاريبه
قالت تقدم قدم قد سابقة اسلاف
الى الأن بعض الصحف تنشر مكاتيبه
توقفت في حيره من اسبابهم واخاف
عليه قدر يصطي البي مطاليبه
اروح محكوم من اجلهم بس ويش اشتاف
ولو اشكي جوابي للملا ماتعنيبه
والا ياشجاعً قرم سلامي مع الاطياف
ارده لكم واريد حلاً تقديبه
وعجل عليه بالخبر يوم انا منحاف
ترى من جهتك النصح نفرح ونمشيبه

الله الله يالشاعر

بانتظار رد ابوتركي

صح لسانك ياعالي الهمة

وكلي شوق لرد أبو تركي،،،

صح لسانك اخي عالي الهمه

صح لسانك و علا شانك

صح لسانك يا عالي الهمه ... قصيده تقف عندها الأحرف من قوة المفردات

صح لساااانك عالي الهمه وتستاااهل كل خيررر

صح السانك عالي الهمه قصيده جزله وتكمل روعته لوجبت ردابوتركي

صح لســـانكــ
وكلنا شوق لرد أبو تركي

صح الله لسانك وقصيده وجهة لشاعر كفوا ...