" شيخة حلا "

إليَا عشقت اعشق " فرسْ " في ترفها=مالك ومال اللي " تخاطمْ " على طول
لي " مهرةٍ " محدٍ سواتي ، عسفها=ماهيب من " شلة " من المول لِ المول
آليَا بغيت " تشوفها " صدق ، شفها=مثل الظبي " جسمٍ " معنّز ومعزول
من شافها في " دربْ " ولا صدفها=صفق يكفينه من " الزين " مذهول
" شيخة حلا " ، خلق ونقا ، من شرفها=تحسب بلِاط " القاعَ " بالعرض والطول
" إيه بدوية " والزمن ما جرفها=ماغيّرت طبعٍ ، ولا حرّفت " قول " !!
من الدلع " كنّها " من الناس تفهى=" سرحانةٍ " في عالم الغي ، وتجول
ودي " اهيم " بعينها ، واكتشفها=واعرف كلامٍ مدى " شرحه " يطول
لادبَرت والريح " تسحب " طرفها=ماتسمع الا " بري حالي " ولاحوول
في " وصفها " الواصف عجز ما وصفها=والطرف من " رب السماوات " مكحول
اليَا ذبحني " البرد " جيت ، بكنفها=في حضنها " ورد " البساتين مجدول
من " صدرها " للخصر كنّك ، تعطفها=عطف الطريق الدائري لـ " انحنى " الزول
ومن خصرها " للردف" كنّك تغرفها=غرف " التراب " اللي من الماي مبلول
اكبر فخر للقلب ، يومه " خطفها "=وان صرت اموت بحبها شي " معقول "
هذي " مناي " اللي خفوقي ، عرفها=ومن عقبها ما يملي " العين " ، مجمول !

تحياتي

الح ـب حاكم ـني

ما اقول غير قول الشاعر سلطان الهاجري القصيده ذي يخرب بيتها وقول شي ثاني انك مبدع في كل حالاتك
وتقبل اجمل واصدق تحياتي اليك

الحـــب حاكمني

ايه الابداع ذى

ايه ابدويه " والزمـن مـا جرفهـا

ماغيّرت طبعٍ ، ولا حرّفـت " قـول

صح لسانك"

الحب حاكمني

قصيدة جزلة

صح السانك

قصيدة تجبرني على قراءتها اكثر من مرة

تحياتي

" إيـه بدويـة " والزمـن مـا جرفهـا
ماغيّرت طبعٍ ، ولا حرّفـت " قـول " !!
ـــــــــــــــــــــــــــــــــــ
الحب حاكمني

وش هذا اللي جبته
كتبت فأبدعت فأمتعت
فعلاً سمعنا شعر بكل أمانه

بيض الله وجهك على النقل المميز يا مبدع

" إيـه بدويـة " والزمـن مـا جرفهـا
ماغيّرت طبعٍ ، ولا حرّفـت " قـول " !!

ابن شداد

الليث

الرهيف

سمو القاف

فجر

شكرا على المرور الرائع اسعدني تواجدكم

اختيار رائع اخي ابومحمد

سلمت اناملك

من الدلع " كنّهـا " مـن النـاس تفهـى
" سرحانةٍ " في عالـم الغـي ، وتجـول


دخلتنا في عالم هيجان وذهول لله درك ههههههههههههههه