وينكم ياشعار

السلام عليكم ورحمه الله وبركاته

مساكم الله بلخير

يسعديني ويشرفني اني سجلت معكم في هذا الصرح الشامخ .. وأيضاً يسعدني ويشرفني أني أكون في هذا القسم .. الذي عجبتني محاورته الرائعه وحبيت أشاركم ..

سلام الله سلامي على اهل المعرفه والطيب=سلامٍ ينوفي ويوفي علاكم مثل المطر
يارجالاً لكم في الليالي محضار ومغيــــــب= وحسبوها يامحسبين سطارت السطر

مرحبابك وانت ضيفن ولك صوتن مجيب = بين روس اهل الصمايل والذرعان السطر
انت اضنك لاعتادن ولاعندك زهيب = لاتعرض نفسك الليل والمسرى خطر

ارحب تراحيب الشيوخ المطانيخ..كسابة الطولات لباسة الجوخ



يامرحبا ترحيبة الشيخ بالشيخ..معزبه مطنوخ والضيف مطنوخ


ارحب تراحيب المطر

ويامرحبا بالريح اللي ساقتك علينا ياساهر الليل


فجر

هلا وغلا بك اخي ساهر الليل في منتداك
وانشاء الله تستفيد وتفيد

مرحبا ياســــاهر الليل ياقرمن وذيب
مرحبا اعــــدادها من المحيط اليا قطر

من حضر ولايغيب عندنا ماانته غريب
واحسبو لحسابها بالضــــحيه والفــطر

عودة مرة أخرى ....

ياسلام الله سلامي من شباب ومن مشيب=في بيوت تشوش من أولها إلى آخر شطر
إيه تفزعلك فرايـد والقوافي تستجيـب=جات تلعب لك على شلَتي سطر سطر
من بنات أفكار راسي والقصيد يفوح طيب=ياسلام الله على اللي ذكرهم مثل العطر
ومن ظلال الوايلية جيت أهلًي بالحبيب=كثرما قلب الحبايب للولايف منشطر
في ذرى ربعي معزَز والهقاوي ماتخيب=ومن غلاهم قمت أغني يالالا لي من البطر

سمو الذات

وين الشـــــــــــــــــــــعار ؟؟؟؟؟ حيو بالضيف

مرحبابك وانت ضيفن ولك صوتن مجيب
بين روس اهل الصمايل والذرعان السطر
انت اضنك لاعتادن ولاعندك زهيب
لاتعرض نفسك الليل والمسرى خطر

لك البقاء يامرحب والضيف في حماء المعازيب= والله وسبعة انعام ياهل البطر
صاحبك مليان حزامه هو عصيب =ون ترد على العلومه الاوله شطب على السطر