قصيده لسالم محيا العزيزي

سالم محيا العزيزي

يوم حب وليلته صار الفراقي=قصة (ن) تذبح فؤادي كل ليل
إبك ياقلبي على فقد الطراقي=ذا جزا من حب له عابر سبيل
الغريب اللي حديثه فوق راقي=لين هل الدمع مع طريا الرحيل
يوم سال الدمع وان الكحل باقي=قلت كحلك يا حبيبي ما يسيل
قال كحلي لا حجازي لا عراقي=مسحة الرحمن خلتني كحيل
وأقفت اللوعه على ساقه وساقي=وأثر منصاب الهوى مشيه ثقيل
قطع يالفرقا بعد عيد التلاقي=ما نبيها ليت للفرقا بديل
روحوبه والصبر مر المذاقي=أشهد انه صعب لو قالوا جميل
ضاع عنوانه ولا ضاع اشتياقي=بس احبه لو رجوعه مستحيل
من يوصل للوليد أمر احتراقي=يكتب اسمي فوق برج له طويل
يمكن المزيون موزون التراقي=لين شدت بالصدر خصر(ن) نحيل
لا نظر بعصير في زين المراقي=والمرايا عاكسة شمس الاصيل
ينظر اسم اللي عشق يوم الفراقي=واحد(ن) يذبح فؤاده كل ليل

يوم حب وليلته صار الفراقي=قصة (ن) تذبح فؤادي كل ليل
ضاع عنوانه ولا ضاع اشتياقي=بس احبه لو رجوعه مستحيل

ما اجمل ان تكون شاعر
صح لسانك يا سالم