بعض سوالف وقصص البدو ...جديد وخاص وحصري لمنتديات بني عزيز

السلام عليكم ورحمة الله وبركاته وبعد
اليوم ابي اجيب لكم بعض السوالف والقصص القديمه والي ماهي مرحه ومضحكه فيها نوع من النصائح والفوائد
الي عسا الله ان ينفع بها ومن عادتنى نخصص هذا المنتدي عن غيره فما نجيب شي غير جديد عن عالم النت
وهذي القصص والسوالف خاصه و حصري لمنتديات بني عزيز لاني احب كل من في المنتدي عسا الله ان يديم المحبه ويجعلها خالصه لوجهه عزوجل

وأولا :
ابي اجيب لكم هذي القصه وأعتقد انها حقيقيه وربما اغلبكم خصوص الكبار في السن سمع بها
او يعرفها وهي
نصائح الشايب وقصة المثل( لو نعرض الأصمعين كل واحد ماجات الاصمعين جميع)
وهذى يقولن رجال له ثلاث أبنا وهم ولد وبنتين والرجال كبير بعمره ويوم حس بقرب اجله
قال ياوليدي أبي أعطيك ثلاث وصايا او نصائح وابيك تفهمهن زين ولا تهملهن
قال سم يا يبه , قال الشايب الاوله
خاواتك ياوليد وكل عار لك لاتزوجها غير الرجال الي فيه خير وجيد ولو ما يملك عقال ناقه , ولا تزوج البخيل ولو انه اغنى الناس .
قال هات الثانيه يايبه
قال المره لا تعلمها بعلومك وخصوص سرك لا تبوحه لها ولا تأخذ رايها لونها امك الي مرضعتك
قال والثالثه
قال لا تصاحب الشيخ والامير ولا تماشيهم ياوليدي
قال الولد تبشر يايبه
المهم مرت الايام وتوفي الشايب
قال الولد خلني أخالف وصاية أبوي ابي اشوف هو حكيم ورايه سديد ولا ماعنده سالفه
وزوج اخته الاوله من رجال تاجر ومن اغني الناس بس المأخوذ بخيل ولا فيه خير الله وربي وربه
وزج أخته الثانية رجال أبرص وفقير وشكله مروح بس الرجال ما يكفيه جيش من طناخته يعني رجال شجيع وفيه خير بس الدنيا ماهي مخليه عنه شي وهذا حال الجيد .
وصار مغير الولد وعجوزه قال بقية النصيحه الأخير من نصائح أبوي وابي أجربها راح وشبك شيخ الديره أميرهم
عاد هو الولد رجال جيد ولا عليه خوف واثق من عمره المهم دامة الصحبه بينه وبين الشيخ سنين وحبه الشيخ
ومره من المرات ويوصيه الشيخ على نعامه لشيخ ومشهوره النعامه وان الشيخ يحبها ,الحاصل قال الولد ابشر ازهلها
وامسك النعامه ياالود وازبنها في مكان ما يتخبره غير الله حتى الطير ما يصلها
ويروح الولد لنياقه ويذبح له حاشي ويجيب لحمه ويعطيها امه قال يا يمه هذي لحمة نعامه الشيخ ذبحتها مير لا تعلمين احد بها
انتبهي لا اوصيك قالت العجوز انت وش تقول اعلم والله ما يعلم غير انت مير انتبه وأنا أمك عاد سمنك ذبحتها احترص لاتعلم احد ياولدي
قال انا ماني معلم والخوف منك قالات لا بد ازهل بس لاتوصيني انا احريص منك وانا امك
المهم مرت الأيام على أن نعامه الشيخ ضايعه اومسروقة المهم ما يدري عنها
المهم وتسيري العجوز على ربايعها وبطي بالسالفة ,قالت فلان ذبح لي نعامة الشيخ وعيني خير منها يعني إني أبي امدح ولدي
وعلم يالحريم الشيخ وامسك يالشيخ الولد وذبه في السجن
قال رفيقك ما ني سارقك ماتجي علي , قال قدامي ياملعون الرقبه والسجن يالله الوكاد جلس فتره في السجن
قال الولد ايه بقي هالحين اختبر ربعي انسابي لا شنينا وفكر قال
لشيخ ياشيخ امهلني بس اسبوع
لين اما ابحث لك عن النعامه واجيبها لك ولا جبت لك ثمنها من الي تبيه, قال ثمنها ثمانين ناقه تقدر عليها
قال الولد اذا مالقيت النعامه جبت لك الثمانين ناقه قال الشيخ هدا وبشرط اذا مر اسبوع ولا جبت احد الثنتين ذلن
ترى دمك مهدور وهذا بس علشان الصحبه الي بينا يوم فكيتك قال تم الو كاد طلع الرجال وراح لربعه آلي معطيهم خواته
ويمر نسيبة الثري قال السالفة كذه وكذه وأبيك تساعدني قال هاه
والله ماعندي لون قال ابك خال عيالك وأختي عندك وذي علومي وأنت رجال منعم عليك الله وعندك خيرا فضيل
قال اجل توحي اخذ الشاه هذي وأنها جربا واردى غنمه قال من كل الاصمعين هذا ما لقيت تعطيني غير هذي
(الاصمعين جمع صمعا :وهي الشاه التي مالها أذن – لان كل غنم نسيبه صمع)
قال لو نعرض اصمعينى كل واحد مات الاصمعين جميع وطلع منها مثل (لو نعرض الاصمعين كل واحد ماجات الاصمعين جميع)
الوكاد اخذ الشاه الجربا من نسيه الغني وراح لنسيبه الفقير وعلمه بالسالفة قال اجل الليلة امرح وتعش وبكره تزين العلوم
ويروح نسيبه لزوجته ويعلمها بالسالفة قال اسمعي ما أبي يطلع الفجر غير أنت مسويه لي 80 عقال ناقة
قالت منين بتجيب البل يامهبول أنت ما عندك ألي تأكله قال عاد أنا علمتك بالعلم وخلي يطلع الفجر والعقل ماهي جاهزة وبس
عشا ضيفه وسولف معه وامرحو ويوم ساق الفجر راح لمرته قال العقل يابنت الرجال قالت سم هذي هي جاهزة
واسرح لين جاء في حيد الشرفة من ربعه
ويصيح فيهم مع طلعة الفجر ويتليمون عليه النشا ما قالو وش العلم قال يالربع أنا داخل على الله ثم عليكم
قالو في ويش بس قال أن كل رجال يأخذ له عقال من العقل ألي قدامكم ويجيب له بعير ويعقله قدامني هنه
قالو وش العلم وش السالفه وانهم يعرفون رفيقهم ليا جات الوازم مالهم غيره يتذرو في ذراه لو أن الدنيا مغربلته مير جيد
ثم تخاطفو العقل النشا ما وشمام وان عندهم80 ناقة واخذ و البل هو رفيقه ويوم اقبلو وعلى الشيخ ونقزانت يالرجال
وجيب ألنعامه لي داسها وحطها في أول البل وحط الشاه الجربا معهن ودهن الشيخ
قال الشيخ وش العلم هذ الولد السالفة عليهم واضحك يا الشيخ قال الله يضحك سنونك والله أني داري انك داهية الريا جيل
قال الشيخ اجل 80 ناقة مع ألنعامه لك ومنعندي80 ناقة ثانيه لنسيبك الأبرص الجيد قال وأنا أقول آلي عندي كلهن لنسيبي الأبرص الجيد
وسلمتكم
والسالفة أعتقد انها صحيحه لأني اسمعها من شياب وما قالو صحيحه هم ولكن تخبرون الشياب دايم ما يثقون غير في الصحيح

والقصه الثانيه
ابي اجيب لكم قصه تحاكي معقوليه الأمهات وضعفهن وهي خرافيه تقريبا
كان هناك في قديم الزمان رجل شاب مع امه بالبر
وعندهم الأبل والغنم يرعونها وياكلون ويشربون منها
وكانت الأم تحب ولدها بالحيل وكل ماشافته قالت له :
تصدق ياوليدي أني أحبك حب عظيم
والله ياوليدي لو يجي الموت اني لا اتركه يأخذني انا ويترك تعيش انت
طلع مرة من المرات الرجل يصيد وصاد له أرنب
وسلخ الارنب وهو حي وجابه للبيت
يوم شافته أمه خافت وقالت وش ذا ياوليدي
قال ابد ياميمتي هذا الموت
قالت : الموووووووت
قال : ايه الموت .. جاني وأنا في القنص اصيد يبي يأخذني فطلبت منه انه يحضر معي للبيت
وقلت له : أن أمي دائما تقول لو يجي الموت يبي ياخذك خليته ياخذني بدالك
قلت له تعال خذ امي بدلاي حسب طلبك يمه
قام الولد وربطه بطرف البيت وبدت الأم تناظرهميتة من الخوف
وكل ماتحرك الأرنب فزت و شهقت وقالت بسم الله على
لا بارك الله بهالولد
وبعد حين قال الولد يمه بروح أحلب الناقة عانيها درة
قالت رح ياوليدي
راح الولد يم الناقة وجلس يحلب وهو يتسمع أمه وش تقول
الأم تناظرفي الارنب المسلوخ من بعيد ماتقدر تقرب تخاف ياخذها وتقوله :
يالموت عليك بحلاب الناقة . وهي تأشر على ولدها
رجع الولد وهو ميت من الضحك وقام حب راس أمه وذبح هالارنب وعلمها بالسالفة
قالت : تصدق عاد ياوليدي اني كنت جالسة استعد للموت بس أهم شي انه ماياخذك
خخخخخخخخخخخخخ
نصابه


والقصه الثالثه
أعتقد اغلبكم سمع فيها بعد وهي قصة العمى والمحرول

هذي قصة حصلة بين اعمى ومحرول من عرب وقت النهب والسلب جاهم خبرقوم عادين
عليهم وانهزموا العرب في الليل مع اموالهم وابقو العمى والمحرول على المراح حتى
يرجعو عليهم فيما بعد بحيث ماعليهم خوف لأن ماحد يطمع فيهم وفي الصباح تشاوروا
أن الأعمى ينقل المشلول يدله على الجره ويوجهه لأثر العرب وفي طريقهم رأي المحرول
أرنب وقال للأعمى نزلني يا عميان نزل الرجال وقربها وسد على الجحر وأمسكها وفي قربهم حطب يابس أولعوا
منه النار ورموها فيه ومنها خلصة وليان معها داب كبير في النارقد جاد وزان اكله فقطع اللحم
المحرول وجعل الداب من نصيب الأعمى دهن وجهه ويديه من الدهن دهن الداب الذي
معروف فيه كثرة الدهن وجعل الله فيه الشفاء وفتح فقال أبشر أنني أبصرت بسبب الدهن
فقال-المحرول السبب من الله ثم مني أنا جاعلها من نصيبك فقال هذه اكبر دليل لي على
انك عدو تريد قتلي من الداب المسمومة وأنا الان أقدر على الانتقام منك وقام وشب النار يبي يضرب بالمحرول فيها
وصيح يا لمحرول يبي الفكه وان ما عنه مجناب اولا ما قلته ياملعون الرقبه وشيله واضربه في النار وحاول يطلع من النار ويتل عمره وليا والله ان منطلقه عصبه منه وانه مثل الحوار المنطلق من حبله مع الارض يمذرح هناك ابك ابك العلم ويش هذي والله النار المبروكه ثم يعودون على بعض ويتعوذون من بليس ويعرفون انها من قدرة الله ونصرته لهم ويتخاوون ويكملون المشوار
وقيل فيهم البيتين التاليه
جاك العمى والمحرول سالمين = احد فتح وأحد مشى عقب حروال
رحـــمــهم اللي يرحم المسلمين = يــغني الفـقـير ويرفع الـفـقر بالمال
هذى من قدرة الله يمكن ان الانسان في اصحه حاله ويصبح عاجز عن غسل او مسح وجهه او ان الانسان مصاب بجميع الامراض وفي اقل من ساعه يكتب الله له الشفا ويصبح باطيب حال
وسلامتكم


والقصه الرابعه
هذي قصة المثل المشهور الي ما يعرف الصقر يشويه
يقولون كان فيه رجل عنده صقر غالي وطيب الصقر ويغليه أكثر من أولاده لأنه مصدر أكلهم بعد
الله فخرج ذات يوم وكان الجو غير صافي كن عليهم عج مدري ضباب الوكد ان الجو ماهو صافي وبس هد الطير على جول من الحباري غاب الصقر عنه وأخذ طوال نهاره يصوت ويصيح في كل مرقاب ويلوح ولكن ماحولك احد برحه ...
وبعد صلاة العصر وبعد التعب والعطش شاف له من بعيد راعيا يرعى إبله تغانم عمره ووصله يوم جاه وليانه هاك العامل الي شاب النار وجلس في حيدها سلم عليه صاحب الطير وسأله عن الطير
فقال له لا أعرف طيرك ولاشي ولكن قبل شوي جاء طيران ووقعا تحت هذه الشجرة وأخذا يتعاركان فقربت منهما وضربتهما بالعصا ثم ذبحتهما عانهن في النار مير جاه الله عليك انك لتخاشرني فيهم .... >كريم الله ربي وربه خخخخخ
قرب الرجال النار وحرثها وان طيره والحبارى في النار , صاح الرجل وقال: يامجنون يامهبول هذا طيري وهذا صقر لايؤكل وهذه حباري تؤكل قال الراعي مافيه فرق حباري ولا صقر طيور وجابهن الله وتبي تخاشرني فيهن ..ندم الرجل وبكى ولكن لا يفيد الندم ثم قال كلمته المشهورة مافيك حيلة ( اللي مايعرف الصقر يشويه) وفعلا اللى مايعرف الصقر يشويه
وصار مثل مع الناس
وسلامتكم


وسلامتكم وعساكم استفدتو انشاء الله

واذا تبون نخلي الصفحه هذي مخصصه للقصص الي مثل هذي لا فيها علوم قبايل وقعات وذبحنا وذبحتو وفيها نوع من الترفيه وبعض الفؤائد ايضا ماعندكم مشكله يكون افضل

وتحياتي لكل من وقف لهذا الموضوع وعلق عليه
محبكم
واصل عزيزي

خخخخخخخخخخ يسلم ياواصل على القصص الروعة

اما العجيز خايفه من المووووووووت<<<<< مهايطيه طلعت ^_^ بس حلوة تتجهز للموت

اما ذا الي ميت من الجوع صقر والا حباري كلهم طيور<<<<< لااحد يلوومه ميت من الجوع

اما ذاك الطاحس الي خالف وصية ابوه زاحف

واصل ..

يعطيــك الف عــافيــه..

والشــايب بعــد مــايعيــش ويجــرب بهالدنيــا..

يعطــي اللي بعــده تجــاربه للفــائده ..

وتقبل مـــروري

هلا والله أخوي الغالي واصل عزيز

بصراحة قصص وامثال من الماضي ولا أروع

استمتعنا بها من جد الأولين مافيه مثلهم ويا حليل العـِـجــز

بس ياليت يا أخوي لو تكون هالسواليف والقصص سلسلة من أجزاء

حتى نستمتع بها ونستفيد فلا تحرمنا ابداعك في سرد القصص والسواليف

بيــّـض الله وجهكـ

سلمت ولا هنت

دائماً مميز أخي

يعطيك العافية

مشكور

كــُــن بـخـيـــر أخــي


الــفـــــارس

المشاركة الأصلية كتبت بواسطة هكرز الصعيري

خخخخخخخخخخ يسلم ياواصل على القصص الروعة

اما العجيز خايفه من المووووووووت<<<<< مهايطيه طلعت ^_^ بس حلوة تتجهز للموت

اما ذا الي ميت من الجوع صقر والا حباري كلهم طيور<<<<< لااحد يلوومه ميت من الجوع

اما ذاك الطاحس الي خالف وصية ابوه زاحف

يا هلا والله بشمعة المنتدي
تصدق عاد الي خالف وصية ابوه احس انه مثلك عنيد راسه يابس

ومطنوخ بعد مثلك
خخخخخخخ
بس عاد العجيز غير هي ونصبها

والف شكر لك على المرور والكريم
نورة الموضوع يالذيب

وتحياتي لك ولتواجدك المميز

ابن صعير بارك الله فيك
والشكر لك على المرور الكريم
وتشرفني بمرورك المميز

واصل عزيزي

مشكور اخوي
الفارس على المرور الكريم
وانت والله ان رايتك بيضا في التواجد والردود المميزه

وابشر يالذيب عندي بعض القصص الي كنت بنزلهن في الموضوع هذا والأن ابي احطهن في موضوع جديد < صدق نفسه ان القصص مميزه

وتحياتي لك ولتواجدك المميز

ماشااللة عليك يابو خلود سكت مده ثم انهليت قصص مره وحده وكذا ريحتنا بالمره

القصص هذي اعرفها وكلها جميله للغايه واغلبها واقعيه وبيض اللة وجهك عليها

يالذيب وتقبل مروري وتحياتي

مشكور يا واصل عزيز
أما القصة الاولي حلوة ونصايخ الشايب سليمة
والقصة كد مرت على وأظاهر أنها حقيقة
والثالثة سمعتها ويمكن أنها ماهي حقيقة
والله يعطيك العافية
على القصص الرائعة والجميلة
تقبل مرور أخوك أبو فارس

مشكور خيو واصل عزيز على الموضوع
الله لا يهينك
تقبل مروري