ياجرحي استأذنك

قصيدة رائعة اعتقد انها للشاعر لافي الغيداني

بس ماني متاكد اذا احد عنده علم اكيد يفيدنا

ياجرحي استأذنك بنام لي ساعـه
وارجوك تكفى دخيلك لاتصحّيني
●●●
لي خمسـه ايام اعيش السّمع والطّاعـه
ولك خمسـه ايام تامرني وتنهيني
●●●
والمشكلـه جت عروق القلب فزّاعّـه
مايكفي انك سرقت النوم من عيني
●●●
اصبحت انا القاز وانت امسيت ولاّعـه
شبيتني يلعن اهلك وش يطفّيني
●●●
دكتور وممرضـه وابره وسمّاعـه
في كل ليله ولايدرون وش فيني
●●●
ياسيدي الجرح قلبي يشتكي راعـه
لا الذنب ذنبي ولا الموضوع بيديني
●●●
حبيت واخلصت واثر الحب فقّاعـه
روّح وباقي يموتني ويحييني
●●●
غيري هدر دم عشق وللاسف باعـه
غيري قتل كل حب بحد سكيّني
●●●
وانا الي اصبحت للأخطاء شمّاعـه
وادفع ثمن كل غلطه من محبيني
●●●
قبلي في العشق ناس وتشكي اوجاعـه
قالوا متاهـه وانا جيتـه برجليني
●●●
بدايته سلسلـه والنّفس طمّاعـه
اغراني ادري ولا في شي يغريني
●●●
واليوم لو قلت يااهل الحب وطباعـه
انتوا على دينكم وانا على ديني
●●●
اجبرني الجرح اعيش السّمع والطّاعـه
حتى ولو قلت له ياجرحي اعفيني
●●●
من خمسة ايام وانا في رجا ساعـه
وان جيت بنامها جرحي يصحّيني
●●●

نص جميل أخي ماجد الرهيف

واختيار موفق

وتسلم يمينك يالغالي

مبدع دائما يالرهيف

انت صاحب ذائقه شعريه لايستهان فيها



لي خمسـه ايام اعيش السّمع والطّاعـه
ولك خمسـه ايام تامرني وتنهيني



إيوالله ،،،،

عاشق هباء

الجميل مرورك

تحياتي

فجر

شهادة اعتز بها

وشكرا

تحياتي

قصيدة حلوة ورقيقة جدا

ولكن جاء البيت
شبيتني يلعن اهلك وش يطفيني ؟

وخربت الكشتة
وش دخل اهلها في الموضوع حتى يلعنهم ..؟
اي قصيدة فيها لعن في منظوري الخاص انها سقطة للشاعر
مهما يقصد من معنى
.
.
.
هنا

فازع

ملاحظة اؤويدك عليها

وشكرا على المرور

تحياتي