من أجمل القصائد إلى قلبي

أقدم لكم هالقصيده وهي للشاعر الأمير محمد الأحمد السديري
أليكم النص

يالله انا من جود حسناك طـالبك=عــــفوك ومدك حيث منت بخيلى
يالادمـي دنياك هـــــذي تـعذبك=لوطــفت فيها مالقيت الدليلى
كل على مذهــــب امامه يخاطـبك=يبيك من زايــد ذنـوبه تشيلى
واليا عصيت اهل المذاهب تعاتبك=كـل يقـول ابيــك يمـي تجيلي
ولو انتحيت بعيد بالســـؤتطلبك=وكــل بصاعـه من ذنوبه يكيلي
احــد يصحـــح لك حديثه ويرهبك=واحــد يقول الحق عندي نزيلي
واحــد يخيفيك في كلامــه ويدبك=وابليس يضحك له وهـو مستشيلي
الناس عــوجــان المناطق تكذبك=وعن الصحيح الكذب معهم بديلي
ان مارضـــيت بقولهم نتف شاربك=وتكبر ذنـــوبك لوغناك تهليلي
ناس عــلى درب الفضيله تحـاربك=وعلى دروب الشــر تهذل هذيلى
ودروبهم عســـرات عــوج وتتعبك=ما تســـتوي لك لا ولا تستويلي
ينبيك عن دنياك ماضي تجـــاربك=وعــزي لحالك كان عرفك قليلى
اتبع نبيك واتـــرك اللي مجنبك=واقضب مماشـــى سنته لا تعيلى
اللــي بغار الثور للرشد يندبك=وابوبكر عــنده نديـم وخليلى
نصايحه للرشـــد حــذرا تغايبك=هــرجه صـحيح وكل فعله جميلي
ســـنة نبيـــك للفضيله تقـربك=المصطفى ماله شـــبيه وعديلي
واحــذرك عـن نقالة السو تقربك=ومن يتبع العايل لـزوم يعيلى
لوانت ما تغضب ترى الناس تغضبك=وعـقب المعزه يجعلوانك ذليلى
وتــرى ردي العرق للعيب يجـذبك=وتصير بدروب الـردا له عميلي
وبنت الردي حذراك حـذراك تعجبك=واحــذر تصير لمثل هذي حليلى
وعـن ما يعيب النسل عرب مناسبك=وعليك في بنت الحصـان الاصيلي
يجـي ولدهــا فارق عن قــرايبك=ويقف في وجـه الخصيم القبيلي
ان كبرت القالات بالفعل يعجــبك=ويبرد هـمومك كان قلبك غليلي
مثل القطامي في هـــداده يشببك=والــدم من مخــلاب كفه يسيلي
ليا صارما صلبين الارياء مكاسبك=تـراك بين الناس تبقى هـزيلي
وترى دروب الخبث يالعبد تذهـبك=ويفــوت عمـرك ما تحصل حصيلي
احــذر يابن حــوا تطمن لحاجبك=الا لــرب للخــلايــق يــزيلي
الي بعفوه عن عــذابه يرغـــبك=وعينه لكل الخلق دايـم تخيلى
في لوحه المحفوظ يا لعبد مذهبك=نــزل بحــق وكل ما به فضيلى
ومعاشر الخايب مع الناس يذربـك=وتصبح قليل الميز عقلك هبيلى
ومعاشـر الطيب على الطيب يجلبك=ويـرقـــيك للعليا بظل ظليلي
لا تقرب الأجــرب بالامراض يعطـبك=يصـــير جسمك مثل جسمه عليلي
ممشا الخفامن صافي العقل يسلبك=ويصير لك يــم الرذيله سبيلي
وعـن مارد الانـذال نزه مشـاربك=واشــرب نظـيف لوورادك طويلي
ولياك تنسى يابن الأ جواد واجبك=والي يـروم المجد حمله ثقيلي
يا لادمــي وان كان كبرت مصايبك=ازبن على محي ا لبلاد المحيلى
ازبن على رب بعرشــه يراقـــبك=وناجه وبعد العسـر يره جليلي
ناجــه ولاجـل ارضاه وجه ركايبك=وخــلك لعلام الســـراير دخيلي
هــو الذي ينجيك من كود صـايبك=ويذريك من كربات هــول مهيلي
يا لعــبد مكن عــند ربك مقضبك=وفــكر وقـــدر وانتبه لاتميلي
ولحـــد من الخلاق يالعبد حاجـبك=هــو الذي مـده وعـفوه جزيلى
وهــو الذي في ما فعلته يحسابك=وهـو الذي بارزاق عبده كفيلى

ممشا الخفامن صافي العقل يسلبك**ويصير لك يـم الرذيلـه سبيلـي


وعن مارد الانذال نـزه مشاربـك**واشرب نظيف لـوورادك طويلـي


ولياك تنسى يابن الأ جواد واجبـك**والي يروم المجـد حملـه ثقيلـي

جبتها
تقبل مروري

فجر

تسلمين على المرور يافجر

وتشرفت بمرورك

ودمتِ بخير

عاشق هباء

الله يعطيك العافيه

على القصيده الرائعه

احذر يابن حـوا تطمـن لحاجبـكالا لــرب للخـلايـق يـزيـلـي

الي بعفـوه عـن عذابـه يرغبـكوعينه لكـل الخلـق دايـم تخيلـى

تسلم على المرور ياالسفير

وتشرفت بمرورك

ودمتِ بخير

تسلم على هذة الذائقة الشعرية اخ عاشق هباء

لاتحرمنا جديدك

تقبل مروري

رائعه القصيده

تسلم اخي عاشق هبا

تركي سعود

تشرفت بمرورك المميز

العزيزي المغترب

تشرفت بمرورك المميز