قصيده لشاعر الرائع متعب التركي

ضايق البال مايستانس لحاله . . . وأنت لاغبت عنّي كني لحالي

جتك الأشواق ر جلية وخياله . . .غير الاول تحمل عشقي التالي

ليت من قال متعب خابت آماله. . . شاف بعيونك الخدرات منزالي

واحد فيك ماهو منشغل باله . . . أشهد إنه بها الدنيا هو السالي

راوي العود يزهالك وتزهاله . . . عاد من يقدر يلومه ليا مالي

صاحبي والقصايد فيك مختاله . . . وانت لك حق فيهن يوم تختالي

دام نفسك لحب الشعر مياله . . . ليه ماصير شاعر وانت في بالي ؟

من تمنّاك لاتنشد عن احواله . . . عقب العسل كيف يستطعم الحالي ؟

عقبك النفس مذعورة ومهتاله . . . سود الايام هزت برجي العالي

لكن القلب من يمك على حاله . . . في تناسيك ليه اكذب على حالي

قلت لك : نعمة النسيان زواله . . . ذكرياتك بعضها قام يبرالي !

كل مامرني طيفك على فاله . . . قلت : يامرحبا في ريحة الغالي

شلت همك وهمي ماحدن شاله . . . كن قلبك غدى ياصاحبي خالي

ابتعدنا وكلن راح في حاله . . . بين هالناس لكن كني لحالي !

هلا والله وحياك يا أخوي أبو ماجد

صــح لســان متعب التركي ولسانك على هالنقل المميز

بيــّــض الله وجهـك

سلمت ولا هنت


يعطيك العافية


مشكور


كــُـــن بــخــيــــــر أخـــــي


الــفـــــارس

اليكم هذه القصايد من روائع متعب التركي
(1)

قالو حبيبك يسمع الشعر قلت إيـه () يقراه بعيوني قبل تسمـــعونه

لولاه حتى طاري الشعر مـــــابيه () مير اكتبه من شان خاطر عيونه

هو روح شعري وامنياته ومـــاضيه () جذع الشجر وش كان لولا اغصونه

اكتب لغيره والقصايد تجي فـــيه () كن القصايد حالفه ماتخـــونه

هذاك لامنه زعل قمت اهــــــاديه () حتى وهو مخطي تعــــذرت دونه

يمكن لوانه يلمس الجرح بيـــديه () يستغرب ان اللي لمسها طعـونه

ابطى وهو غايب وزلت حـــــراويه () وأنا من العام اتحرى مــزونه

هو مادرى اني في غيابه محــاتيه () ليته نشد عن حالي اللي يجونه

وقلبي اللي توه افلت عــــراويه () كيف انسرق وضلوع صدري حصـونه

عجزت ارده كن ماني بــــــراعيه () يوم انتثر شوقه وهاضت اشجونه

يبسن عروقه لكن اللي يعـــــزيه () ان اكثر العالم تردد لحــونه

خافوا من الله لاتجيبون طـــاريه () لاصرت انا موجود لاتذكــــرونه

لو كل غالي جابه الله لغـــاليه () ماشفت لك مخلوق تبكي عيــونه


(2)

نسيتني علمني وشلون ابنســــاك ** في هالزمن نسان الاحباب عـادي

وشلون لامرت على البال ذكـــراك ** وطيفك سرق مني لذيذ الرقـادي

وشلون لا قالو لي الناس وش جـاك ** من كنت في لذة منامك تنــادي

وشلون اعيش اللي بقالي بليــاك ** لامن غدينا كل واحد بــــوادي

لو قلت اداوي جرحي اللي تباطاك ** ماكل جرح يفيد فيه الضمــادي

اعلنت حبك لين كلن تمنــــــاك ** غلطه وغيري من خطاي استفـادي

لو لي مثل قلبك تمنيت فرقـــاك ** واكيد قبلك بالجفا صرت بـادي

حلوه عذاريبك وحلوه مزايــــاك ** حتى بيوم افراقنا كنت هــادي

كن الليالي ودها تكسب ارضـــاك ** وانا يطول مع الليالي جهـادي

في ذمتي ماهي غريبه خطايــــاك ** مبطي وقلبك لو تنبهت غـــادي

سهله على من كان مثلك وشــرواك ** مثل الثياب يغيرون المبــادي

علمني اكره ذكرياتك وطريــــاك ** ونسى من الليله صدوق الودادي

ولاني بقايل عقبها كيف ابلقــاك ** راضي لو ان جروح قلبي جـدادي

ولا القصايد جعلها من فدايـــاك ** لبستها مبطي ثياب الحـــدادي

باكر على المخطي يدورون الافـلاك ** ونشوف من يصعب عليه البعـادي



(3)

كل حاجه طعمها مر في هذا الزمـــان ** هم هالدنيا وحنا نعيش لهمـــها

المكان اللي عرفناه ماعاد المكــان ** والقلوب احداث الايام زادت غمها

صاحبي حتى انت ماعاد تستاهل حنــان ** انت بعثرت المشاوير وانت تلمها

البكا في مثل هالحال نوع من الهوان ** والمهونه كل رجال حر يذمــــها

صاحبي لو كان للناس والدنيا امــان ** ماتموت ورود الاحلام قبل نشمــها

خل عنك علوم الاحباب واللي كان كـان ** انتهيت وسيرة الشوق ماني بيمها

كل ما تضمى لياليك قمت اكتب عشــان ** تنزف جروحي والايام تشرب دمــها

الكلام الموحش يخاف نور الشمعـــدان ** تحترق اسمى معانيه قبل يضمــها

من زمان اكتب على شان تقرا من زمان ** بس ماشفت المكاتيب جابت همــها

(4)

ماقلت لي شي وشخليت ماقلــــته ** اسكت وخل الكلام لجرحي الــــدامي

لو غيرك اللي يسولف ماتحملـتته ** لاكن على شان عينك هانت الامـــــي

للحب مفهوم عمرك ماتخيلـــــته ** ماظن يستوعبه تفكيرك الســـــامي

هذا الفراق الطويل وهذي اسالته ** وهذا حصاد السنين وهذي ايــــامي

ياما وياما عليك البال طولــته ** والعمر عدا وانا عايش على اوهامي

حتى طريق الفراق اللي تساهلـته ** لقيته اصعب على نفسي من اقــدامي

اصبر لي شوي لو دمي تثاقلـــته ** بحاول استوعب اللي صار قــــدامي

الحب ضحكه بعينك بس ماطلــــته ** عمرك بهالكون شفت ابسط من حــلامي

القلب لو ماخفق لك كان ماشلـته ** ولو منت ملهم قصيدي جفت اقـــلامي

هذا قصيدي بعينك لو تجاهلـــته ** ينزف على شان يروي قلبك الضــامي

العام طاري غيابك ماتقبلــــته ** واليوم حرماني اصبح مصدر الهـامي

لاتعتذر لي وبنسى كل ماقلــــته ** وش ينفع العذر لامن ضاعت ايـــامي

(5)

قبل اسافر وتنسى جيت اسلم عليك ** جيت ابي عمري اللي اكتشفته غدا

ضاعت اجمل سنيني من عمايل يديك ** اكذب ان قلت راحت لجل عينك فدا

فرصة العمر قالو لاغدت ماتجــيك ** جتني اكثر فرص عمري وضاعت سـدا

جرب الخوف مره حس به يعتـــريك ** ورفع الصوت ماتسمع لصوتك صــدا

تدري اللي ذبحني قولتك ما ابيك ** مابقالي لثاري لو بغيته مـــدا

ماهقيت المشاعر كلها ترتجـــيك ** قلهم بالمفارق منهو اللي بــدا

هاك دمعة عيون باقيه تشتكـــيك ** هاك ريح ضمير ماستراح وهــــدا

ما تناظر عيوني زول هــذي وذيك ** ما يهز المسامع اسم ريم وهــدا

قلت ماعاد لي رغبه وشوفات فـيك ** قلت يا نفس طيبي يفرحون العـدا

قلت عايف ونفسي بالخفا تشتهـيك ** عزة النفس تدري طيب ماهــي ردا

خل عينك تهل دموعها وش علـــيك ** انت خدك ورود ودمع عينك نـــدا

(6)

ماني اعمى بصيره بس وش عاد اسوي ** مايطيب الجريح ان كان ماينتــداوا

كن حبه على حدب الضلوع امتطــوي ** كيف ابقوى وانا بيبان قلبي تهـاوا

شوف قلبي من جروح البعاد امتكوي ** عقب ماقلت جرح العام طاب وتشــاوا

يوم ساقو ركايبهم وشبيت ضــــوي ** ماتخوفت وسباع الخلا لي تعـــــاوا

اشهد انه تعكر عقب ماراح جـــوي ** مانسيته وزوله للعيون ايتــــراوا

زل وقت الوعد ماعاد فيها تــروي ** بس انا وانت ياحرف القصيد انتخاوا

قلهم ياقصيدي لايروحون تــــــوي ** ماني اللي حضوره مع غيابه تســاوا

رد عني علومن ماتونس عــــــدوي ** قلهم متعب التركي عليل وتــــداوا

سفير المهد

يعطيك العافية على النقل المميز

لشاعر الغني عن التعريف متعب التركي

ومشكوووووور

يعطيك العافية أخوي سفير المهد

صح لسانك ولسان شاعرنا متعب التركي

بس بسألك هو من أي مـطيــــر ؟

جزاك الله خير ما قصرت والله

لا انحرمنا من تميزك

سلمت ولا هنت

مشكور

كــُــن بـــخيـــــر أخــــــــي

الــفـــــارس

مشكووووووووووووووور اخوي سفير المهد
على هذا النقل المميز لشاعر المعتزل متعب التركي

هذه بعض من قصايد متعب التركي


(1)
الموت هين والبلا وش ورا الموت ** عند الحساب يهون سهم المنايا

باكر نموت و تصبح قبورنا بيوت ** وعقب القصور بضيقات الـزوايا

في جوف الارض وكل من حولك سكوت ** وتعاقبن بالقبر عوج الحـنايا

يارب يا منجي نبيك من الــحوت ** سترك وعفوك يوم كشف الخـفايا

باكر ليا جينا على داعي الصوت ** شيبان واطفال وشباب وصبــايا

ندعي وحنا بين باكي ومبـــهوت ** ورحنا لها ننقاد مثل السبايا

يا رب تهديني قبل لحظة الـفوت ** وتغفر ذنوبي يا كريم العطايا

اشكيك همن داخل الصدر مك،ـبوت ** وايامي اللي بالخطايا مــلايا

ان لاذ بك من كان طايع و مبخوت ** في من يلوذ المرتكب للـخطايا

يا رب يا قادر على كل طــاغوت ** لا ياقف اللي وحدوا بك خـزايا

رحماك لا منا صحينا من الــموت ** واليا وقفنا عند بابك عـرايا

(2)


ياسعود لا تنشد ترى ماني مجـيب ** خل الذي خافي له شهور خــافي

ان شفتني مغتاظ لي حق ومصــيب ** ياسعود مزعلني جديد اكتشـافي

الغالي اللي كان من قلبي قريب ** بيني وبينه صار مثل التجـافي

ان قلت زله مثلنا زلته عـــيب ** من قال لك شمس الضحى ماتشافي

ان قلت هفوه يمكن اتصيب وتخيب ** كم لي سنه ماشفت فيه اختـلافي

وان صار في نفسه بعض شكه وريب ** حتى البحر ماهو على طول صافي

صرنا من الصده سوات المصـاويب ** كلن نقل جرحه وقال متعـــافي

اصعب فراق فراق عكف الاشانــيب ** ماهو مفارق لابسات الغـــدافي

والذيب لامنه عوى جاوبـــه ذيب ** والعلم حامض بس وين الاشــافي

دامه لقى له غير قلبي معـازيب ** الله يسمح درب هاك السنــافي

يروح لايرجي رسول ومكـــــاتيب ** هو خابر اني ماتلفت خــــلافي

واللي تعلى فوق روس المراقـيب ** اكيد ماتسفي عليه الســـوافي

رح بشر اللي شال شلفى تريحـيب ** قله تراها كلبوها عـــــوافي

اليوم نفسي طابت وباكر يطــيب ** جرحي لو انه من يدين المشافي

خلصت والدنيا دروس وتجـــاريب ** سجل يابو عبد العزيز اعترافي

(3)


لا تنشغل فيني انا بحالي ادرى ** قلبن تعلق فيك ينسى مع الــوقت

اكثر من اللي صارلي ويش يجرى ** بين الرجا والياس شفني تعــلقت

هاك القصايد لاتضايقت وقـــرى ** شف وش كثر فيها لضحكاتك اشتـقت

يامشتهي فرقا المواليف حـذرى ** تبعد وانا من سكرة الحب مـافقت

لاطافت الفرصه تحريت الاخـــرى ** وتروح ماكني عليها تشــــــوقت

اثر الوفا ينباع عندك ويشـرى ** ماكنت اصدق فيه واليوم صـــدقت

ساري لو ان الليل مافيه قمرى ** اشيل من حمل الهوى فوق ماطــقت

لاصار حظ اقشر والايام قشـــرى ** مافيه احد عاقل يلومك اليا ضقت

صحيح بعض الناس فرقاه بشــرى ** وبعض البشر لاغاب ليله تضايــقت

ليتك خذيت بليل الافكار مسـرى ** غربت من كثر الطواري وشــــرقت

السيل يبقاله من القاع مجـرى ** ويبقالك التذكار لو كنت فـارقت

اشوفلك من وين مارحت ذكـــرى ** لاشفتها صديت عنها ودنـــــــقت

ماكل جرح لاخذا ايام يبــــرى ** بعض الجروح يزيد شره مع الـوقت

(4)

زي لون الطيف والوان الفـراش ** الهنوف اللي شغلني صــدها

ان بكت جا دمعها مثل الرشـاش ** وان تبسم ثقرها من قــدها

وان حكت كن بشفايفها رعـــاش ** الخجل عن سالفتها لـــدها

والطيور اللي جفت حضن العشاش ** ليتها خلت بقايــــا ودها

عقبها كل الغصون امست نشــاش ** خاليه عقب الوناسه خــدها

كل قلبن في ذراه الحب عـــاش ** فيه طيبه زايده عن حــدها

والقلوب ان فارقت صارت هشـاش ** موحشه والذكريات تشـــدها

رفرف البرق وزمت بيض الدشـاش ** ومتلا من صافي الما عــدها

مابنيت بيوت شعري من قشـــاش ** ليه اخاف ان الرياح تهدها

والهجوس اللي من الفرقا عطاش ** ترغب نجوم السما وتعــدها

يوم شق النور من ليل القمـاش ** شفت حبة خالها في خـــدها

القصيد لمثلها ولا بـــــــلاش ** لو تبي عمري حشى مــاردها

(5)

اخر اللي سمعته في نهار الــوداع ** دقة القلب مدري صوت عجل الخطــاوي

نايف الطول وش سوى بي الا نقــطاع ** صار بين ضلوع القلب كنه يــــداوي

بيني وبين ضحكات السعاده نـــزاع ** كني اللي قضى عمره طريد جـــــلاوي

امتلي غيض وازعل يوم ورجع بســاع ** راعي الجرح يستحمل عذاب المــداوي

وش يفيدك عذابي ياغريب الطبـــاع ** ليه دايم على الملتاع سيلك نحـاوي

غالطوني وقالو ليش هالا نــــدفاع ** ازعجوني عليك مفسرين الحكـــــاوي

عذربوك بوجودي بالجفا والخـــداع ** فيك حلو الوصايف فسروها مســــاوي

التزمت السكوت ورايهم فيك ضـــاع ** لين قالو ترى متعب على البعد ناوي

ميت القلب عرضت الغلا للضيـــــاع ** والله اني على قطع الرجا بك مراوي

ماتغيرت لين انك لويت الــــذراع ** تحسب اني على الهجران ماني بقـاوي

لو تقول انت ماعقب الفراق اجتماع ** عندي اليوم كل اللي تقول متســاوي

او يقولون صار يخاف قلب الشجــاع ** من هاك الليله وبيت القصيد متهاوي

بين شقر الجدايل والعيون الوسـاع ** اذكر اني فقدت القلب في هالحـراوي

(6)

هذا الخبر صدمه وحزن وعــلامه ** على محبّة كل الامه لـخطـــــــاب

هذا الخبر والهم هذى خيــامه ** شرّع للأحزان النوافذ والابــــواب

ألحقت من جاب الخبر لى مـلامه ** صعبه على الانسان توديع الاحبــاب

البارحه غابت عن العين قـامه ** قامة رجل زلزل قناعات واحـــزاب

ترجّل الفارس وذب العمــــامه ** واستقبل الموت بحفاوه وترحـــاب

ترجّل بصمت ووقار وصـــــرامه ** حتى وفاته شى يدعو للأعجــــــاب

من يعتبر فقدان كفه وســـامه ** أكيد ماهو لحظة الموت مرتــــاب

وجه واهو مسجى بدر فى تمـامه ** ميت ولكنه واهو ميّت مهـــــــاب

أومت له كفوفٍ تمنّت ســـــلامه ** بكته الامه قبل تبكيه الاقــــراب

خطاب ماهو بس رمز الشهـــامه ** خطاب نجمن فى سما الامه وغــــاب

حر شهر والطلع دار الكــرامه ** والحر مايعنيه تحليق الاســــراب

فعله فرض على الجميع إحترامه ** واسمه ملا الدنيا بطوله واهو شاب

ماكانت الدنيا مثار اهتـمامه ** بالعكس كان لنصرة الدين وثـــاب

لو كان يبحث عن نفوذ وزعـامه ** كان امتلا صدره نياشين والقـــاب

الاخره كانت على طول امـــامه ** فى هالزمن خطاب واشباهه اغــراب

اختار بديار الجهاد الاقــامه ** ومن كان هذى رغبته لازم يثــــاب

واختار بالاسلام ذروة سنـــامه ** الصبح ساحة حرب والليل محـــراب

يكفيه فخر ان الشهاده ختـامه ** ماحسّب لدنياه ولعمره احســـــاب

يارب تغفر له وترفع مقـــامه ** وتعظّم أجر إمة محمد بخطــــــاب

(7)

توديع الاحباب مثل الموت له سكره ** ادمي جروحي وشق الصدر مــــنيّا

والقلب طيرن ضلوع الادمي وكـــره ** لاشاقه الطلع لاسلم ولا حــــــيّا

مصير الاحزان تنساني وتفتكــــره ** ماكل الايام بيض وسمحت محــــيّا

قل غيرها منت لامجبر ولا مكــــره ** لاصار ماهو غلا مابيلك احــــميّا

لوفي يدي شي ماقلت الوعد بكــره ** حزمت حدب الضلوع وقلتلك هـــيّا

لوكل غالي تجي دايم علي ذكـــره ** ماصرت اشوفك هناك وحبك هنـــيّا

ياليتني لابغيت اكره قدرت اكــره ** ماكان قلبي اليا جيت اكرهك عيّا

مادامك معيف رح لكن علي فكـــره ** ماقلتلى ليه دمعك سال منــــيّا


(8)

حسي بلوعات الليالي والاحـــزان * بعدين حسي بالهوى لابغيـــــــتي

وش به يهمك لو يقولون زعــــلان * لو فيك ذره من غلا ماجفيــــــتي

ياللي تقولين الخطا زلت لــسان * في زحمة الايام ليه اختفيـــــتي

خطاي وان جه مدري الذنب وش كان * ليه انتهى ذاك الغلا وانتهيـــتي

وقفت في وجه الزمن قدر الامـكان * وانتي جنح فيك الخيال وغفيـــتي

غلطان انا في كل الاحوال غلـطان * اسرجت لك خيل القصيد وسريــــتي

جيتي وقلت الجرح يوم اقبلت هان * وانتي على الجرح القديم ارتكيتي

قلتي لي ان الحب لابد ينــــصان * واليوم ماكنك دقايق هــــــويتي

شافوك حساد الهوى شوف الاعيــان * يومك على رجم القصايد رقيــــتي

مابان شي ولا بقا شي مابـــــان * بس انتي اللي غافله مادريــــتي

العام لك طاري بقلبي ولك شــان * واليوم احس بغلطتي لاطريــــــتي

وان قدر المولى وعشتي بحرمــان * ومن حر لوعات التجافي بكيــــتي

تذكري قلبن له سنين شفقـــــان * شوفي بحقه ياكثر ماخطيـــــــتي

كل القصيد اللي اقوله على شـان * تهزك الذكرى عقب مانسيـــــــتي

(9)

ليه وطيت عن خيل القصيد الســروج ** ليه مديت لي عقب القراح الهمــاج

لاتكملي الغلطات والعوج عــــــوج ** يضحك حجاج ولاينعقد لي حجــــــاج

إصبر شوي وشعلمك تهوج وتمـــــوج ** ميت القلب مثلك مايعرف الهيـــاج

ماتعودت اجامل معتلين البــــروج ** الزم العلم قبل يصير هرجك سمــاج

المشاعر تجي مثل المعاصير هـــوج ** وانت مالك على هوج الرياح احتجاج

جيت وقلوب حسادي تهيج وتـــــروج ** لاصفا جوهم ساعه قفاه العجـــــاج

ابتسملك وهمي فوج يقفاه فـــــوج ** من يحبك لزوم يصير مثلك هجــــاج

بس قلي وانا غلطان لك ومحــــجوج ** وين يلقون لجروح النواعس عــــلاج

القمر غاب وأنت اطفيت نور السروج ** قلت يكفيك نورالوجه لا اصبح سـراج

كن بين الضلوع العوج صفقات مــوج ** يوم فاض الغلا والشوق والقلب هـاج

ضيقة الصدر لو بين المحاني تلـوج ** كل ضيقه لها عند الكريم انفــراج

ماهو الغيظ سبة كل ابوها هـــروج ** بس مالي على بعض السوالف مـــزاج


(10)

دليل المحبه شوف عيني عليك تغـــــار ** ولاودي الحاسد عيونك يطالـــــعها

مع إنك رحلت بعيد لكن بقى التذكـــار ** ليا شافته عيني تسابق مدامـــعها

دفنت الغرام بخافقي والقلوب أســـرار ** مشاعر هقيت إن الليالي تضيـــعها

فرحت برجوعك ماطلبت لخطاك اعـــــذار ** ونفسي نست ماجرى من تواضـــــعها

تهادت مشاعر خاطري لك بلا معيــــــار ** تجاهلتها لوكنت خابر دوافــــعها

يقولون جنّب درب مالك معه معبــــــار ** يلومون نفسن بعد الاحباب موجــعها

يقولونها قبلي يخون البحر بحــــــار ** والامواج لا هاجت خذت ماتبي مــعها

تكاثرت منك الصد وأثر العلوم كبـــار ** لقيتك على نفسي تقلّب مواجعــــها

اقوله وأنا اللي شفت ذاك الغلا ينهار ** يشوف الندم رجّال نفسه يطاوعـــها

مثل ماضرب جّون خلا غادي محتـــــــار ** يدّوج ورجله مادرى وين موقــــعها

تعرض سموم القيض والدار مــــامن دار ** هليك وشعر بالموت روحه ينازعــها

جحدت الغلا لين امتلا بالخفوق وثــــار ** قصايد عساها اليوم تطرق مسامعـها

غرامك مثل نارن حطبها الغلا النــــار ** تموت وغلاك اللي بقلبي يولعــــها

غلاك بضميري واضحن ماعليه غبـــــــار ** تشيل الغلا نفسي وأنا عاجز امنعها

يقولون ماودعّك قلت الفراق وصـــــار ** والإنسان روحه تنسلب مايــــودعها

هذيك الليالي وين أثر الــــزمن دوار ** خذاها ولاظني زماني يرجّعـــــــها

طوتها السنين ولابقالي سوى التذكـــار ** ليا شافته عيني تسابق مدامـــعها

اشكر جميع الاخووه المتابعين على المرور الجميل

اما بالنسبه لسؤالك اخي الفارس حسب ماقرات انه عبيوي من مطير

متعب التركي العبيوي

ولكم خالص الشكر

سلمت سلمت سلمت

سفير المهد




الموت هين والبلا وش ورا الموت ** عند الحساب يهون سهم المنايا

باكر نموت و تصبح قبورنا بيوت ** وعقب القصور بضيقات الـزوايا

في جوف الارض وكل من حولك سكوت ** وتعاقبن بالقبر عوج الحـنايا

يارب يا منجي نبيك من الــحوت ** سترك وعفوك يوم كشف الخـفايا

باكر ليا جينا على داعي الصوت ** شيبان واطفال وشباب وصبــايا

ندعي وحنا بين باكي ومبـــهوت ** ورحنا لها ننقاد مثل السبايا

يا رب تهديني قبل لحظة الـفوت ** وتغفر ذنوبي يا كريم العطايا

اشكيك همن داخل الصدر مك،ـبوت ** وايامي اللي بالخطايا مــلايا

ان لاذ بك من كان طايع و مبخوت ** في من يلوذ المرتكب للـخطايا

يا رب يا قادر على كل طــاغوت ** لا ياقف اللي وحدوا بك خـزايا

رحماك لا منا صحينا من الــموت ** واليا وقفنا عند بابك عـرايا

مشكور يا ابو ماجد