ديار بني عزيز

ياقلب حين دبـرة منـش الأمـزان صبرك على فرقاه بأجر وبريـره

اقول في بعض التفاكيـر غلطـان ادله وسـج مـع الوجيـه النويـره

سيّر من الخبره ليا اطراف بيضان ومن السواسي لين تاصل غضيـره

مع ربعتن تجعل لك القلب نشطـان يدلهـون القلـب عـن كـل ذيـره

الاد وايـل عزوتـن شانهـا شـان ان كان ناش القلـب شـي يثيـره

وان جا نهار حط في العود دخـان يطفون نـار المعتـدي بالذخيـره

هـاذي مواطنهـم وللـدار عنـوان وان جا الحيا تنصاه في كل ديـره

في رأي شيخن من مذاخير شيخـان يقدا ضعنهم في الـدروب العسيـره

المندهه شيخن ليـا قـاد الأضعـان تمشي على دربـه جمـوع كثيـره

وليا قضوا مشهاتهم والوطـن زان لفّـت رحاهـم للوطـن مستديـره

وتشاوروا بالنزل في هاك الأوطان كل على الدسمـه ينـادي قصيـره

يد وحـدة جزليـن ماهـم برديـان وايمانهـم بالمـد ماهـي قصيـره

ولهم مواطن غير حضرن وبـدوان تعـرف بسيماهـم قبيلـه وديـره

باسم العزيزي من على عصر بدران والجد وايل مـن حـرار الجزيـره

هذا الكلام الصح يـاذرف الايمـان ان كان تجهل عن مقـر العشيـره

وان كان ناقص شي في نظم الألحان الكامـل اللـي كـل شـي يديـره