عاشق يحضر عرس عشيقته وينخى عريسها

رجل يحضر زواج حبيبته ويلقي قصيدة للعريس - جريء بجد (من أروع ماقرأت)
صقرقريش






هذه قصيده وجهها عاشق لعريس عشيقته ليله الزفاف
ما رأي المقبلين على الزواج لو كان احدهم مكان هذا العريس ؟
ووجد هذا العاشق يلقي القصيدة امامه في قاعه العرس؟
تخيلوا الموقف يا شباب ؟؟


خلونا بهالقصيدة الرائعة المؤثرة بالفعل ؛ التي تجبرك على قراءتها للنهاية ..
وإن شاء الله تحوز على رضاكم ..






أبد .. ما جيت أبارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي


ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي


ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي


كذا شاءت بنا الأقدار تحرمني لأجـل تعطيـك
كذا لازم عشان تفوز إنت .. أخسـر بتجربْتـي


تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي


أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي


لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي


أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي


فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي


واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي


وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي


صحيح انك بتملكها ومعك العقد بالتمليـك
وانا عارف حـدود الله ومـن حقـك معاقبْتـي


ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي


وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي


أحس اني تماديت بكلامي.. والغضب حاديـك
ولو انّك في مكاني مـا تفكّـر في محاسبْتي


كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي


انا ما جيت اخرّب عرسك الليلـه ولا آذّيـك
أنا جيتك عشان اخاطبـك واسمـع مخاطبْتـي


توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي


ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رقبتي


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


قصيدة حلوة وحبيت انقلها لكم

تقبلووو تحياتي

عـبـادـي

ماله حيله محد يلومه


بس والله انه مطنوخ

فجر

مشكوووورة اخت فــجــر

ع المرووووور

الراي عندكم يالرجال

هذا عنده سوا
الحياه والموت
.
فعلاً منتحررررررررر
.
شكراً عبادي على القصيده المتهوره هههههه

ومـــــن الـــحــــب مـــــاقــــتـــــل


يعطيك العافيه على النقل الرائع

مشكووووورين ع المرووووور

وانتظرووو الجديد

مشكور على النقل
وهذا العاشق و لا بلا

يعطيكــ العافية ع المروووور

ليت كل عاشق يسير له نصيب مع عشيقة

أخوي عبادي ماظنتي فيه أحد بعقله يبي يسويها إلا شخص بايعها على قولتهم لكن نفترض غن شخص سواها :)


ما رأي المقبلين على الزواج لو كان احدهم مكان هذا العريس ؟

ووجد هذا العاشق يلقي القصيدة امامه في قاعه العرس؟

لو كنت مكان هذا العريس بعطيه العانيه اللي جاتني والمشلح والسياره وأجيب المملك وأقول روح بها وحتى بطلب الشيخ يلغي العده خخخخ
وش أبي بوحده ماهي بعاشقتني ولاتحبني خلهم الله يجمعهم

ويوفقهم !!