0"اُكـتـب بـيـت شـعـر يعـبــر عــن حــالــتـــك"0

يـاعـيـونـه وش حالكم بعدي ؟!!

تذكرونا ولا انتهى عهدي ؟!!

ياعيونه .. وش سوى به جنونه ؟!!

وكيف وعدي ؟!!

خاينه او هو يصونه ؟!!

ياعيونه اسمحيلي بسألك ..

ماودي احلفك ..

بس قوليلي ..

وش هو نصيبك من السهر ؟!!

غافيه ؟!!

او جافاك النوم لحدود السحر ؟!!

ياعيونه جاوبي ..

كيف اطلالي.. هو عليها يمر ؟!!

ولا نساه العمر ؟!!

آه ياعيونه ..

كنتِ القصر المُنيف ..

وكنت الاميره عليه ..

وكنت اخاف ان الجواري ..

تطمع به تبيه ..

ياعيونه خبريني ..

عن حبيب القلب علميني ..

هو للحين باحساسه يبيني ؟!!

او مااطري عليه ؟!!

ياعيونه خبريه ..

ان قلبي محتويه ..

وان الحنين وسط جوفي ..

يصرخ بي يبيه ..

وان طبعي المثالي ..

يمنعني اجيه ..

ياعيونه ارحميه ..

وسلامي له .. وصليه ..

وانا ضاقت الدنيا عليه ..

اهمسي له .. لاتنسى الوعد ..

وان قدرتي ذكريه ..

وين كان الوعد .. ووين اهل الوعد ؟!!

وآه ياوعدي .... وآه ياعيونه !!


فجر