جتكم وصوف المسرجات السريعات

السلام عليكم ورحمة الله وبركاته

جتكم وصوف المسرجات السريعات
............يالله عسا مااقول بالوصف زلّه


اللون وجه اللي غدا شمله اشتات
..............ولاّ كما بنّ اليمن وسط دلّه


والراس حجمه معتدل بالقياسات
.............لاهو صغير ولا كبير ٍ تملّه


وآذانها ارقاقه وملس ٍلطيفات
............اقلام منتصبات مثل الاخلّه


واعيونها برّاقه ومستطيلات
.........عين الفتاه اللي لحقها مملّه


والناصيه فوق العيون الكحيلات
.......مثل السعف ومن الحراره تضّله


والجبهه تشابه ليوم البشارات
............تزفّ للمحزون فرقا المذلّه


ومناخره متباعدات ووسيعات
.........وامدوّرات وللنفس سهّل ٍ له


والفم واشدوقه وساع وطويلات
..........تحت اللجام شدوقه ايمهل ٍ له


واعناقها ماهن عراض وقصيرات
............طويلة ٍ والكتف مالصّقن ٍ له


والعرف مسترسل كما شعور خفرات
........والجذع صلب ومشرف ٍ غاربٍ له


واصدورها متنهّضات ورحيبات
.........والظهر فوق الكاهل مناسبٍ له


والبطن كنز اهل الخيول الاصيلات
...........رحيب بالأنثى وضامر بخلّه


واقطيّها متشبّعات وعريضات
............صلبة قوايم مابها كلّ علّه


والذيل شعر الفاتنات الجميلات
..........اللي لهن بالقلب عهد وسجلّه


هذي وصوف الخيل ياهل البطولات
...........ويالله عسا بالوصف مافيه زلّه

صح لسان الشاعر

الله يعطيك العافيه اخي سامي على الطرح الرائع

صح لسان الشاعر وسلمت يمينك على النقل الرائع والاختيار الموفق

سلمت على هذا النقل المميز

وتقبل مروري يامنشدنا المميز

اشكركم على الحضور العطر

الله يعطيكم الصحه والعافيه

ماشالله عليك اخوي سامي



تقبل تحياتي