من لا قدح من مخة الراس شاره.لاتنخطب بنته ولا توخذ ارياه

اوسمتي · 04-29-2010, 03:59 AM

أعضاء ومرتادي منتدى بني عزيز الرسمي أقدم لكم هذه القصيده
وهي قصيدة المضهاه للشاعر عاضه البقمي
واتركم مع القصيده

من لا قدح من مخة الراس شاره=لاتنخطب بنته ولا توخذ ارياه
ومن لارفت يمناه زلت يساره=تصبح يمينه قدرها مثل يسراه
ومن لانفع ماضر في كل غاره=ومن لاهدم ماله بيوت امبناه
ومن لا عرف مقدار نفسه وكاره=سحم السباع اللي تقانب تعشاه
ومن لابنا ساس المسلح حجاره=يصبح شماته للنفوس المراوه
يقول من ذاق الحلاوالمراره=تجارب الدنيا كتبها بيمناه
اخذت من بعض التجارب عباره=ياجاهل الايام بوصيك بوصاه
اليا نزلت السوق دور خياره=يابعد فرق الزين والشين بعداه
واحفظ لسانك زين وقت الزياره=من طاع نفسه باع دينه بدنياه
وانا اعرف ان الحر تكفيه اشاره=والعلم مافاد القلوب الموطاه
والطيب ماهو من بنوك التجاره=الطيب طيب بساعه الضيق نلقاه
وليا بغيت القاف ماخذت اعاره=يالي ترد اول كلامك على اتلاه
ارفع مقام الشعر وابني جداره=ولاهوب متعبني اليا صعب معناه
يالي تقول الوعل اسد المغاره=وتلبس السرحان شعرا من الشاه
عباد وجه ولابكبدك مراره =كيف البشر يعبد بشر كنه اياه
من كيد نفسه معمي الله ابصاره=ولايلعن الله غير قوم المضاهاه