ياليتنا من حجنا سالمينا

يذكر أنه كان هناك رجل يدعى بصري الوضيحي الشمري شاعر غزل وهزل ..

يوم كبر وتقدم به العمر حس بالندم على شعره ومافيه من غزل ومن أمور هزليه فحدثته نفسه بالتوبة وعزَم على عليها وقال لولده الكبير :
أنا ودي أتوب وودي أروح أحج عسى الله يغفر لي ويرحمني .


المهم نوى الحج هو وولده وتوكلوا على الله وسافروا إلى بيت الله الحرام .


يوم وصلوا مكة دخلوا الحرم وطافوا وجاء بصري يبي يقبّل الحجر الاسود ، وكان عند الحجر زحمة شديدة يوم وصل الحجر كان فيه جنب الحجر إمرأة جميله ، وكانت شديدة البياض وفارعة الطول يوم شافها بصري ضاعت علومه ونسي حجه


وبدل ما يقبّل الحجر قبّل البنت ...!!!


البنت زعلت وقالت : كيف تسوي كذا وأنت بالحرم ، فجاء ولده يبي يلملم الموضوع وقال :
تايه تايه يعني ( مهذري ومخرف ) فقال بصري ، قصيدة يرد عل كلمة ولده :


( يمكن الروايه وبعض الأبيات تختلف شوي لأن القصة قديمة وتختلف الروايات : لكن هذا المشهور وبصري توفي عام 1250هـ )



التايـه اللـي جـاب بصـري يقنّـه
جدد جروح العـود والعـود قاضـي
جينـا نحـج ونطـلـب الله جـنّـه
جنّـة نعيـم ويـوم يابـس لحاضـي
ياليـت كانـت حبتـي فـي معـنّـه
يوم العيون عـن الخوامـل غواضـي
يا من يعاونـي علـى وصـف كنّـه
أشقـح شقـاح ولاهـق بالبيـاضـي
لا ريحـة قشـرا ولا هـي مصنّـه
ريـح النفـل بطمطمـات الفياضـي
ونهودهـا للثـوب الحمـر شولعنّـه
حمـرٍ ثمرهـن واقفـات غضاضـي
والخـد ذبّـاح القـلـوب المـرنّـه
بـرّاق مـزن لاعـج اللـون ياضـي
ياليـت سنـي علـى وقــم سـنّـه
بأيـام مـا بينـي وبينـه بغـاضـي
أيـام جلـد الذيـب عنـدي محـنّـه
نصبح وزرق الريش لهـن انتفاضـي
وآجـرح قلبـي جـرح واد وطـنّـه
غر المـزون اللـي وطنـه وفاضـي
والبيـض قبلـي محـسـن عذبـنـه
ونمر على وضحى جرى له عراضي
والبـيـض كــم من واحــد يبسـنّـه
يبسـة شماشيـل العـذوق النفاضـي
عـزي لمـن غـر الثنـايـا كـونّـه
وأركن على كبـده كـوي عراضـي
شوفـي بعينـي والـخـدم يركبـنّـه
بنـت الشيـوخ مخدميـن الفياضـي
على أشقح من زمـل أبوهـا مظنّـه
ركبـت عليـه اتشنطـح بإعتراضـي
بمشجـرٍ مـن سـوق هجـر مغنّـه
على خياطة نـاب الأرداف راضـي
وين أنت يا مشفـي علـى طردهنّـه
أنا طويت رشـاي وأقفيـت قاضـي
أحـدٍ يطيـح بنـار وأحــد بجـنّـه
وترى الحضيض اللي له الرب راضي




يوم رجع بصري من الحج سألوه جماعته :
هاه يابصري وشلون حجكم ، فقال بصري هذه الابيات التي


أصبحت مثلا يضرب إلى وقتنا الحاضر :



ياليتنـا مـن حجنـا سالميـنـا
كان الذنوب اللي علينا خفيفـات
رحنا نبي نخفف ذنـوب علينـا
وجينا وعليها كثرها عشر مرات



الله يرحمه ويتجاوز عنه
منقوووووول

الله ماأجمل هذه القصيدة وصف ومعنى وتوجد

من شاعر شمر بصري الوضيحي

مشكور أخوي على النقل المميز

اههههههههههه

خربها الشايب

مشكوور ياعالي

فجر

بيض الله وجهك على الجهد الجميل

منورين صفحتي
اسعدني مرورككم