قصيدة للشاعر /راشد فارس العزيزي

اخواني اعضاء ورواد منتدى بني عزيز
اقدم لكم رائعة من روايع الشعر للشاعر راشد بن فارس العزيزي

ياراع البكار اللي رقاب ووبر وظهور=على طول غارب ضافي أسبال حد أذنين
مجاهيم كن الوانهن داجي ومنظور=عليهن تبان زيادة الحال والتسمــين
زمـانين من عاشـور الأول لياعاشور=معديهن الزمل ولك أهداف وأنت أذهــين
إذا كان تسألني ملزم وتــبغى الــــشور=خـذ العلم مني وأعرف الوصف وأفهم زين
ليافاضبك موترك مـــع وادي الخنصور=وصار الــكـراع يسار وأنت أحتديت يمين
لاتنشد ولايـحتاج تستخدم الــنـاظـــور=ولا يــــدخــــــــل لتفكيرك الـــشك والـتخمين
تشاهد عــــلــى مد النظر زحمة الجمهور=لـــــوتــعـــــدهم يمكن عـــددهم يفوق الفين
بعــــدها تـــعــــد لـمجلس(ن) كنه البابور=على بــابـــه تساق الــــتـــراحيب لللآفـــــــــين
حــــجاج(ن) ضحوك وخاطر(ن) دايم(ن) مسرور=وكــــلمة هــــلا حييت يــــامرحبا وأهلين
ورسلان كيف(ن) بهرت هــــيل وهي تفور=مع الزعفران اللي من إيران أبو ختمين
على جمر سمر(ن) مــــــاهو بقص بالماطور=كليخ الوريث اللي مشــــلخ على ثنتين
وصـــــــيانا تقلط فــــــي ظهرها الشحم مزبور=صباح ومساء والذبح ماريح السكين
نصدها الجهام اللي مــــــــــــن الكثر تقل قصور=لولا الوانها اللي كنها ليلة العشرين
لناس(ن) تزاحم كـــــــل واحــــــــــد يــبـــيله دور=على النادر اللي مايشابه لزينه زين
مكاسيب ربعي يـــــــــــوم بـــعض الرجال يخور=يصر الريال ويجمع القرش والقرشين
كسبها عوض بأول هداده بـــــــــــــدون قــــــصور=ماقال أفهقو هذي وهذي تجي بعدين
وبعد ما أشتراه اللــــــــــي عسى ماتجيه عثور=ودفـع قيمة(ن) تبني عماير على دورين
تــبــارك بــربــه وأعـــــلن بقوله المشهور=هــــــذا للقبيله كـــلــــــها دامــنـــا حــــــــيين
ومـــــــن جـــا لنا عـــاني يقدم على الطابور=عسى الله يكتبله مــــــــــــن إنتاجه التحسين
كــــــــلام(ن) لبو تـــــــركي مثبت ولاهو زور=رفيع المقام اللـــــــــي لابان اللزوم يـــــبين
وقــــــف للقبيله وقــفــة(ن) تـــجبر المكسور=وتـــقـــدملها والله علـــــى الــــكــايدات يعين
رفـــــيـــــقي وإبن عــــمـــي وهــو سيفي المذخور=أفاخر بــفـــعله وأفـــــخر بربعي الباقين
كـــــبــار الـــبخوت الآد وايــــــل شعاع الــــــــنور=هل الجد وأهل المجد وقت القسا واللين
زحـــــــــول الرجال اللـــــــي لو ان الــزمان يجور=مـايرضون عن راس الطويله ليوم الدين
عـــــن أفعالهم تقصر يــــــــدين وتـــــــهاب شبور=ومنصفهم التاريخ مـــاض الزمن والحين

الشاعر/ راشد فارس

اخوي ابن حافل
صح نقلك وصح لسان الشاعر راشد بن فارس
قصيده جزله من شاعر جزل كل بيت فيها عن قصيده
والنعم بالمادح والممدوح وكلهم اهل علم غانم
لكن للاسف حاولت انسق القصيده والله ماقدرت لكن يدخل واصل عزيز وينسقها ان شاءالله
اخوك
الطريس

ابو نواف
سلمت انا ملك وصح بدنك علي هذا النقل الطيب
ودائما مميز لا تاتي إلا بالمميز الطيب الرائع

وصح الله لسانك الشاعر المبدع راشد بن فارس جزل والله يا ابن فارس ولا فيك شيك

ليافاضبـك موتـرك مـع وادي الخنصـور=وصار الكراع يسار وأنـت أحتديـت يميـن

شوقتنا لهاك الديار والله يا ابن فارس

ولا نقول غير الله يبيض وجهك ويطول بعمرك ويسقى الديره

يعطيك العافيه يابن حــــــــــــافل

وصح لســــــــــــــان الشــــــــــــاعر راشد

فعـــــــــــــلاً شــــــــــــــاعر رائع وانا من المتابعين والمعجبين بقصـــــــــــــائده

بيض الله وجهك

وصح لسان االشاعر

من اجزل الشعراء في العزايزه ولاوكن غير معروف اعلامياً

صح لسان الشاعر راشد

وتسلم على القصيده اخي ابن حافل

صح لسانه

صح لسانك يابو فارس والله انك كفو .. والله يزيد ابوتركي والله انه يستاهل المدح .. واليكم صورة البعير مشعوفان

اشكر جميع من مر وعبر على الموضوع