سنين وحنا صابرين معاطيش

يادار لو بشكي وش يفيـد مشكـاي

هبت هبوب وطرت معها كما الريش

لقيت بيت الطيـن يبكـي لمبكـاي

وينشد عن ارجال" لهم بالهوى طيش

يقول وين اللي تمادو على أجفـاي

اللي عوايدهم فطاح" علـى العيـش

وشفت الشعيب وريح نبته هو دواي

من فيض دمعه يروي اهل المطاريش

وجيت النخيل وقال وش هي خطاياي

أسنين وحنـا صابريـن" معاطيـش

وطلح" تمايل كنـه فـرح" لملاقـاي

وبير" مضاله وقت والدلـو مانيـش

ياقو باسي كيـف شالنـي اخطـاي

صابـر وقلبـي ينهشنـه نواهيـش

وقعدت أشيل الصوت في حين مرقاي

في مرقب مدهل لمن بـه نغاميـش

وفكرت في دنيا له أقبـال واقفـاي

تمسي له بقـوم" وقـوم" مغابيـش

من ظن بها خير" فهو تايـه الـرأي

دنيا الفنى تفني ملـوك ودراويـش

سعود بن جمعان الفطيماني

كل بيت بحد ذاتة قصيدة

كيف ولا وهو يتحدث عن الاطلال وبيوت الطين والطبع البدوي المجبول علي الطيب

صح لسان قايلها

وسلمت يمنى ناقلها

مشكور يابو سلطان علي الدرر الجميلة

لهنة يابو سعود
وشكرأ على المرور

مبدع يالشمام واختيار موفق وصح الله لسان شاعرها وسلمت يمناك ولاعدمناك يالغالي

لاهنت أخوي عاشق هباء