قصيده بمناسبة زواج حاكم و عبدالله سالم الرهيف

تاج رأسي

يا مرحبا واهلاً عدد بارق لاح=برقٍ من المنشا تزايد مخيله
ترحيبةٍ يعبق بها الطيب فواح=يغشى مقام الحفل واللي يجيله
باسم ابو مازن جعلها تدوم الافراح=لنا ولكم في كل يومٍ وليله
في شوفكم ربعي ترى البال يرتاح=ولم الشمل من عقب غيبه طويله
حطو برأس الرجم للوفد مضياح=خله لسار الليل نوره دليله
الوقت يمضي مارجع منه ما راح=مير أغتنام الوقت كسب وفضيله
يافزعة البل كل ما صايحٍ صاح=وراع النقى يبغى القضاء من عميله
قيمو صفوف اللعب لاحد الاصباح=نبغى نروح عن نفوسٍ عليله
لم الشمل والوصل من خير الارباح=مثل المطر لمطر وسيل مسيله
وقولو لعبدالله وحاكم بالافراح=لعلها تبقى عوامٍ طويله
مبروك حفلٍ قيم في قصر الافراح=زان الفرح تشريفكم ياقبيله
من يوم جيتم والسعد بارقه لاح=برق السعد يبرق بليله جميله
يا محزمي وايضاً بعد درع وسلاح=على العداء وطيت قدمكم ثقيله
الهم لاجيتم عن القلب ينزاح=حيدٍ منيع وكا شجره ظليله
يا تاج رأسي فالوغا ترخص ارواح=جحافل العدوان منكم ذليله
وليا احتمى الميقاف في صمد الابراح=وزند اللقاء قامت تقداح فتيله
لاثور الدخان والخيل سباح=عدوكم من فعلكم عزتيله
واشتدت الهيجاء بها الدم منساح=اخصامكم ما عاد فيهم عقيله
عدومكم يحرم على عينه امراح=وصديقكم يرقد هني مع خليله
تاريخكم بالطيب متقلد اوشاح=يقدح ضياء عبر السنين الطويله
تاريخكم يعبق وفاء وهبت ارياح=يوقد على قلب المعادي مليله
يطرب لها النشمي بها الطير صداح=مما كساها بالفعول الجليله
امدح بني عمي على الصدق وارتاح=بالمختصر واحلى الدلايل قليله
من دون نقصٍ ابغيرها انجا ولن راح=كلن من الطالات يدحس شليله

لـشـاعر/ سليمان الرهيف

اخوكمـ / ابن مرهوف

قصيده في قمة الروعه والله يوفق حاكم وعبدالله سالم والله يباركـ لهم .

اشكرك اخوي ابن مرهوف على هالطرح الممتع لاخلا ولاعدم وماننحرم من جديد الشاعر / سليمان الرهيف انشالله ....
تقبل مروري

قصيدة جميلة وتحمل معاني رائعة شكرا على هذا الطرح الجميل اخي الكريم

لاتناظرني ترى قلبي نساك
اللهم امين واشكرك على مرورك الاكثر من رائع

وعقبالك ان شاء الله


تقبل تحيااااااااتي

ابن مرهوف

رحاااااااال


اشكرك على مرورك الاكثر من رائع

تقبل تحياتي

ابن مرهوف

تسلم يمينك ابن مرهوف

على النقل الاكثر من رائع

العزيزي المغترب


انت الاروع بمرورك الرائع


تقبل تحياتي


ابن مرهوف

شكرا يا ابن مرهوف


على
نقل هذه القصيده الرائعه
والله يوفق الجميع

شبلي
انا اللي اشكرك على مرورك الاكثر من رائع



تقبل تحيااااتي



ابن مرهوف

قصيده في قمة الروعه والله يوفق حاكم وعبدالله سالم والله يباركـ لهم .

اشكرك اخوي ابن مرهوف على هالطرح الممتع لاخلا ولاعدم


وماننحرم من جديد الشاعر / سليمان الرهيف انشالله ....


دمت في حفظ المولى


اخوك


نواف بن صعير