مزيد طلال وخليل المطيري وخالد صنت

بسم الله الرحمن الرحيم

السلام عليكم ورحمة الله وبركاته


مقدمــــــــــه


الشاعر خالد بن صنت العزيزي .. ارسل قصيدة للشاعر مزيد بن طلال الرهيف العزيزي
يطلبه الشفاعــــــــه في توظيف أبناءه وعندما وصلت القصيده للشاعر الرهيف
رد عليه بقصيده وأحضر لي القصيدتين .. وكتبت في وقتها رد متواضع
وكان قد اعتذر عن رده


وعندما وصل رد خليل للشاعر خالد بن صنت .. فهم كلامي على أن مزيد يعتذر
عن المســــــــــاعده ... وارسل قصيــــــــــده يقول أنه قبل عـــــذره

ورد عليـــــــــــه مزيد والحمد لله تيسرت الأمـــــــــــور .. وتم توظيف ابنه
وهذا بفضل الله وحـــــــــــــــــــده ..


البدايــــــــــــــــــــــــه


الشاعر : خالد بن صنت العزيزي


سلام مني عد ما ترمش العين = عدت رشاش نازلنِ من سحابـــــــه
على الذي لي عنه مدات وسنين = ومن حاجتي ذكرت حضرت جنابه
تكفي يابن طلال ذخر المديحين = يا ذخر من للقوم يتعب ركابـــــــــه
سلمان عندك هو واخوانه اثنين = في معهد التدريس ما من قرابـــه
إلا انت ياللي فيك بالخير مرهين = من دونهم وقفتك لو في حرابــــه
إبذلهم المجهود يا سرت العين = يا عزوت اللي باللزوم اعتزابــــــه
وبلغ سلامي من لديكم عزيزين = عداد ما خط القلم فالكتابــــــــــــه

وهذا رد الشاعر .. مزيد بن طلال الرهيف


بديت بإسم مكون الكون تكوين = ربن نبي عطفه ونخشى عذابه
أبشر بسعدك يا زبون المخلين = طلبك يحصل لو دونه مهابـــــه
أقدر الأبطال حسب القوانين = أنته ومن يحظر معك مرحبا بــــه
سلمان واللي معه يابن السلاطين = زبنتهم عند اللذي ينعدابــــه
عند الكريم اللي يضد المعادين = خليل بن مرزوق كلٍ درابــــــه
أنشد وتلقى العلم والكل دارين = هو فزعة اللي في زمانه لجابه
شبلٍ على فعله شهود وبراهين = ننشر له البيضاء بعالي هضابه
يفرح ليا جوله من البعد لافين = ما صك في وجه المناعير بابه


وهذا رد خليل المطيري


يا مرحبا ترحيب لثنين غالين = أغلا من الياقوت في كل جابــــــــــه
وإلا الذهب لا حط فوق الموازين = لو ينقص التعبير وقت الاجابــــه
بيت الغلا مدهال للي قريبين = واللي بعيد اقول أهلاً هلا بــــــــــــــه
ما نستيطعه نبذله دون تثمين = والمدح والله ما طلبته طلابـــــــــــه
افزع وفزعات السعد للكريمين = والطيب لاهل الطيب حاسب حسابه
الله يقدرنا على الموقف الزين = والله يساعدنا ونطلب ثوابـــــــــــــه
والعذر للي يعرفون المضامين = اقـــــدم المعــــــــذار وانتم ذيابــــه
وصلاة ربي عد نقد الملايين = على النبي وآله وجمع الصحابــــــــه


وهذا رد خالد بن صنت العزيزي


جانا الجواب وفزت فوزت مصلين = وحي الجواب وحي من لي جابه
عرفني اللي قبل ما عنه دارين = خليل بن مرزوق تكرم شنـــــابه
عليه بيضاء من أمريكا إلى الصين = إن أدرك المقصود وآلا ما صابه
ما كل رمي يصيب لو مع متاقين = والرزق عند الله ما يوخذ غصابه
وأنا قبلت العذر عذر الوفاء زين = على خطأ المطلوب وإلا صوابه
وانت معذور إعداد نبت البساتين = واللي ما يقبل عذر وش ينبغى به
وأبو حجاب اللي بمسعاه راضين = من نشوته والطيب ماسك نصابه
مؤدباً على يدين الأديبين = والحر يطلع حر ويزين آدابه
وسلام منى عند ما يثمر التين = على حضور الخط واللي درابه
على عموم اربوعنا دون تفنين = وإعداد رمل الأرض واللي مشابه


وهذا رد خليل المطيري الأخـــــــــير


ابدأ بذكر اللي خلقنا من الطين = الواحد المعبود نخشى عذابه
سبحانه اللي يكرم الخلق ويهين = منزل علينا الغيث حلوٍ شرابه
أرسل علينا خير من يوفي الدين = اللي غفر ذنبه وذكره سمابه
صلوا علي خير البشر والنبيين = محمد المختار راع المهابه
من بعد ذا يا مرحبا الفين والفين = ترحيب من قلبٍ يحب الرحابه
من قلب ترحيبه مشى بالشرايين = ينبض بصدق ودمه الطيب صابه
ما حط له بالكذب بيت وميادين = واضح ولا يمشي دروب الخيابه
حي الجواب اللي لفا من عزيزين = ابن صنت خالد وحيا هلابه
لو كان ما شفته حروفه عناوين = نعم الجواب ونعم منهو لفابه
قدمت عذري صح ما فيه تنوين = والعذر لحروف الشعر والرتابه
ما كنت ناوي للهرب يا حمر العين = ومطلوبكم ربي يسهل جوابه
إن كان ربي حط باليد تمكين = والله ليصلك علم مع من سعابه
علمٍ يفرحكم وللقلب تطمين = وسلمان يلبس بدلته مع ثيابه
وإن كان قصرنا تراكم كريمين = أبا ابذل المجهود لوهو نهابه
معكم ومع ناسٍ على القلب غالين = ويا كثر والله من زمانه غدابه
ما دام راسي حي للطيب ساعين = أبغى الجزاء من عند منزل كتابه


وســــــــــــــــلامتكم

صح لسان
ابو حجاب وخالد بن صنت و خليل المطيري
وقصايد جزلة ولاهي غريبة منهم
ويعطيك العافية على النقل المميز محمد العزيزي
ومشكووووووووووووووووووووووور

صح لسانك

مشكور يا محمد ويعطيك العافية

علي النقل المميز

لشعراء بني عزيز

مشكوور يامحمد على النقل

الاخ محمد العزيزي مشكور على النقل الرائع

واشكر الشاعر مزيد الرهيف والشاعر خليل بن مرزوق اليابسي نيابه عن والدي على المجهود الذي بذلوه في فزعتهم لسلمان وهذا شي ليس غريب عليهم ووقفتهم ترفع الراس ويعلم الله اني عندما رايتها في احد المنتديات فرحت وذلك لاني ودي ان الناس يشوفون حميت ابناء العم مع بعضهم


فشكرا لهم مره اخرى

الله يبيض وجهك أخوي محمد

صح لسانك ولسان الشعراء

قصائد رائعة فاقت الوصف


سلمت ولا هنت

يعطيك العافية

مشكور

كــُــن بـخـيـــر أخــي


الـفـــــارس

الاخ محمد العزيزي مشكور على نقل قصايد الشعرا


مزيد الرهيف وخالد صنت وخليل المطيري

وماحدث بينهم من مواقف تشرف قبيلة مطير


وتقبل مروري

&&&محمد العزيزي&&&
بيض الله وجهك ولا قصرت على كتابت هذه القصائد
ويشهد الله ان مزيد الرهيف راعي حمية وراعي كرم ولاهي غريبه عليه الله يطوول في عمرة
ويشهد الله ان خليل اليابسي منصى لرياجيل وراعي حمية والا قصر
ومن هذا المنتدى اقدم اللي مزيد الرهيف وخليل اليابسي الشكر والتقدير والله يوفقكم

تسلم ايدك علي طرحك الرائع والمميز
وبيض الله وجهك
وبيض الله وجه كل الشعراء
قصيده جزله من شعراء جزلين ويعتبرون مدرسه لشعر .
سوري علي التعليق المتاخر
تقبلو تحياتي

شاش راسي من بيوت الجزاله.............شاش والله من رجال(ن) مطانيخ