مات اوبكنه لابسات النفانيف ؟؟؟؟

السلام عليكم ورحمة الله وبركاته

اليوم اهدي لكم هذي القصيده عسى ان تنال اعجابكم واستحسانكم وهي احدى قصائد الشاعر فواز بن خلف العوفي الحربي

ياعـد ويـن اهـل البـكـار الـمـشـاعـيـف ======= دغـم الـخـشـوم امـروبـعـات الـتـوادي

مـعـطانـهـن تـسـفـا علـيـه الـعـواصـيف ======= جـوه عـقـب لـعـب الـمـفـاريـد هـادي

مـنـه انـقـطع ياعـد صـوت الـمـوالـيـف ======= لـقـودوهـن ناصـيات الـمـنـادي

لا صــدرن مـع سـوقـت الـفــجـر لــريـف ======= بـغـات حـزمٍ دون راس الـسـنـادي

ياعــد مـبـطـي رمـسـهـن غـاب مـاشـيــف ======= وانـتـه بـعـدهـن حـل فـيـك الـهــدادي

فـارقـت شـوف امـجـوديـن الـمـعـاريـف ======= جـوك خـلا مــن عــقـبـهـم مايـرادي

مـاكـنـهـم وردوك ياعــد بالــصـيـف ======= لـولا الـرشـا بالــطـي رسـمـه يـنـادي

رســمـه عـلـى روس الـحــجـر قـاســم الـحـيـف======= بـيـديـن شــجعـان الـرجال الــنــوادي

والـيـوم فـيـك الـورق لـعـبـن غـطـاريـف ======= بالـقــيــظ حـطـنـك مـقـيـل انـفــرادي

لاشــك انا عـقـب الـبـطا جــيـت لـك ضـيـف ===== ودي تـوسـع خـاطـري عـن جـهـادي

وشـفــت الــرســوم وســال دمـعـي ذواريـف ====== والـرجـل سـارتـبـي عـلى غـير قـادي

واصـغيـتـها صـوب الـهـضـاب الـمـهــاديف ======ســـمــر(ن) يـفــوقــن نـايــفـات الـحـمــادي

واخـتـرت فـيهـن مـرقـبـن بالـتـواصـيـف ======= راســه عـلى روس الـطـويلات زادي

رجــمـن كـشـف لـيـه مـراتـع هـل الكـيـف ======= وانـظـر لــهـم بالعــيـن مـع كـل وادي

وامـسـا دقـاق الـشــوف عـنـدي تـخـاطـيـف ======= فـي مـرقــبــي والـحـال بايـد بـيــادي

رجـمـن يـروع صـامـل الـقـلــب ويـخـيـف ======= مـن واق راسـه فــي حـيـاتـه مـفـادي

سـبـارتــه يـمـسـون جـوعـا مـصــالـيــف ======= مـن دونـهــم يـقـصـر صـياح الـمـنـادي

وانـا رقــيــتــه حـاديـتــني صـواديــف = ====== عـديـت حـاديــني عــلـى الـرجـم حـادي

واصـبـحـت تـلـعــبي هـبـوب الشـفـاشـيـف ======= ذقـت الـعـنـا فـي مـرقـبـي والـنـكـادي

والـعــيـن تـبـكـي شـوف نـقـالـت الـســيـف ======= وجــدي عـليـهـم مـلحـقـيـن الـزنـادي

شــرابـت الــدم الـحــمـر بالـمـغـاريــف = ====== لاجـا نـهـار(ن) فــيـه حـر وبــرادي

وقــت الــقــسـى قـاســيـن مـاهـي سـوالـيـف = ====== والــكـل مــنــهـم بالـمـواقــف ســدادي

كــم عـاصــي(ن) خـلوه يــمــشــي عـلى الـكـيـف======= خـلـوه يـمـشـي طـوع بـعـد الـعـنـادي

وكـم فـا رس(ن)مـن فـعـلـهـم غـاب مـاشـيـف = ====== بالـمـعـركــه عـشــوه ربـد الـحـنـادي

مـات وبــكــنــه لابــســات الـنـفــانــيــف = ====== مـن فـعـلـهـم بالمرهفات الحدادي




ودمتم سالمين

يا سلام عليك اخوي ياسر
اختيار موفق ومميز واجدته بارك الله فيك
صح لسانك وسلمت اناملك وصح بدنك
وصح الله لسان الله الشاعر
قصيدة جزله وفي غاية الأبداع
طيب شخصك ولا يأتي إلا بالطيب ودائما لتميز جمهوره وعشاقه وها انت عشقة التميز واتحفتنا به

اشكرك والله من اعماق قلبي



واصل عزيزي

مشكور اخوي واصل عزيزي

على مرورك الجميل والبصمه الراااااائعه

سعدنا وتشرفنا بحظورك

تحيتي لك

شـكــ وبارك الله فيك ـــرا لك ... لك مني أجمل تحية . قصيدة جميلة

امبرطور بني عزيز

مشكور على المرور الجميل

وامـسـا دقـاق الـشــوف عـنـدي تـخـاطـيـف ======= فـي مـرقــبــي والـحـال بايـد بـيــادي

رجـمـن يـروع صـامـل الـقـلــب ويـخـيـف ======= مـن واق راسـه فــي حـيـاتـه مـفـادي

سـبـارتــه يـمـسـون جـوعـا مـصــالـيــف ======= مـن دونـهــم يـقـصـر صـياح الـمـنـادي
اعجبنتي الابيات السابقة
فيه جمال وروعة
ماشاء الله
صح لسانك ولسان كاتبها

اخوك / ماجد

يعطيك العافية علي طرحك المميز
بيض الله وجهك

لكم مني خالص الود

وانـا رقــيــتــه حـاديـتــني صـواديــف = ====== عـديـت حـاديــني عــلـى الـرجـم حـادي

واصـبـحـت تـلـعــبي هـبـوب الشـفـاشـيـف ======= ذقـت الـعـنـا فـي مـرقـبـي والـنـكـادي

والـعــيـن تـبـكـي شـوف نـقـالـت الـســيـف ======= وجــدي عـليـهـم مـلحـقـيـن الـزنـادي

قصيدة رائعهـ

شكرا اخوي على النقل

مشكورين على مروركم الجميل وبيض الله وجيهكم