مال الردى في مذاخر سلمنا لمه ...!

السلام عليكم ورحمة الله وبركاته

بعد غياب أعود إليكم بمتواضعه عسى ان تنال الاستحسان

يآمآحلا الذود قدم العين مجتمـّـه=تطرب خفوق ٍ توثـّـق فيه غربالـي
في ماقع ٍ حوله الأحباب ملتمـّـه=يهتاض قلـب ٍ معنـّـى وينشرح بالي
ياهاجسي أسرج القيفان للقمـّـه=أختار جزل الشوارد وأترك البالي
ماتنتوصى حكيـم..الهمـّـه الهمـّـه=شد الركايب وغن الطرق موالي
وانا معك لين حد القول وأنتمـّـه=لاخير منهو فهق في خوة الصالي
عزمه ردي ٍ ولا يارد من الجمـّـه=قصير شبر ٍ هماجه عده زلالي
واليا بغيته بلازم أنطوى بـكمـّـه=قام يتغشى ورى أعذار ٍ هزالي
أقول يقمح ويقمح من نوى يمـّـه=يسوق سمن العلوم..ايدور الفالي
هرجه غثيث ٍ وقلبه ناقص الذمـّـه=ماتامنه لو يعود الوقت غربالي
خوة طليق الحجاج تغني عن الرمـّـه=كريم سبلا وحامي القول بفعالي
يضرب فجاج السعه مادور النمـّـه=كنز ٍ عظيم ورفاقة عز وجلالي
البندق اللي تثور وقفاشها تزمـّـه=مكانها تندفن في قاع مدهالي
مال الردى في مذاخر سلمنا لمـّـه=نصد عن جيرته ون جانا يختالي
نلوي رحاه ونقدم عطر ٍ يشمـّـه=منهو يكيل العقل في وقت الأهوالي
والعقل نعمه وبعض أحيان ٍ أذمـّـه=لامرني صاحب ٍ يفز له حالي
يرتاح له خاطري وأرمي له العمـّـه=ويصيب جوف الحنايا شوق وهبالي
الصاحب اللي يذوب الحرف في فمـّـه=حسه رهيف ٍ يزف الحرف بهمالي
السمع لامن حكى عن غيره أنصمـّـه=أعيش في عالمه عن كل عذالي
لبيه ياللي سقاني بـ\العْشق سمـّـه=من شف بحره سوات السكر الحالي
ابضمـّـه أشفى المحاني وعلني بضمـّـه=يتل معه الهواجس للخلا الخالي
أسج في مهجته واحفظه واصمه=وأرسمْه في خافق ٍ حده على الجالي
وأكن وسط الحشا مكنونه وهمـّـه=وأشيل عنْـه هموم ٍ غـِـث ّوثقالي
ماني بقايل تخالط دمي ودمـّـه=بقول دمـّـه سكن.. أعروقي وسالي
وان قلت هذي حلاة الذود مجتمـّـه=كني أشوفه مابين الذود لي مالي

أخووكم سآيق الخيــر[/quote]

الله الله عليك



صح لسانك ياسايق الخير


قصيده جزله من شاعر جززل



نطمح فالمزيد من ابداعك .


وحيااك الله بعد الغيااااب

سايق الخير
ياهلا والله فيك والعوده المباركه الي جابتك لنا وجابت معك هاذي ومثلها

وصح الله لسانك وسلمت يمينك

وابداع الله يطول بعمرك

مال الردى في مذاخر سلمنـا لمّـه=نصد عن جيرته ون جانـا يختالـي

ونعم والله فيك يالغالي

سآيق الخير


هلا بك معنا من جديد فنحن في إنتظار مشاركاتك


صح لسانك وأبيات جزله


كن بخير


أخوك


نواف بن صعيبر

سايق الخير


صح لسانك على القصيده الرائعه .


والله يديم عليك هالأبداع .

تحياتي

أبن صـعـير

صــــــــــــــــــــــح لساااااااااااااااانك


الله يعطيك العافيه

تقبل تحياتي

صحححححح الله لسانك

قصيده جززززززززززله
تقبل مروري

سايق الخير
.
صح الله لسانك
.
ياهاجسـي أسـرج القيفـان للقمّـه
أختار جزل الشوارد وأترك البالـي
ماتنتوصـى حكيم..الهمّـه الهـمّـه
شد الركايب وغن الطـرق موالـي
.
.
اقول لك اسرج لنا قلمك
.
واتحفنا بجزل افكارك
.
والهمة الهمة في التواجد
.
.
ولاتشد الركايب عن منتدانا فهو بحاجة امثالك
.
.
تقبل مروري المتواضع
.
حسين2006